Saıran kólinde 11 adam qutqaryldy
Almatyda shomylý maýsymy bastalǵaly tyıym salynǵan oryndarda 4 adam sýǵa batyp ketti, dep habarlaıdy Almaty-akshamy.kz.
Almaty qalasy Tótenshe jaǵdaılar departamentiniń málimetinshe, maýsym aıynda qalanyń ruqsat etilmegen jerlerinde shomylǵany úshin 15 adam ákimshilik jaýapkershilikke tartyldy.
Alkogóldi ishimdikter ishkeni nemese mas kúıinde qoǵamdyq orynǵa shyqqany úshin 38 adamǵa, jalpy somasy 291 myń teńgege aıyppul salyndy.
Saıran sý qoımasynda Ákimshilik quqyq buzýshylyq týraly kodekstiń 412-baby («Sý aıdyndaryndaǵy qaýipsizdik erejelerin buzý nemese oryndamaý») boıynsha TJD qyzmetkerleri ákimshilik hattama toltyryp, 3 adamǵa aıyppul saldy.
«Almatyda shomylý maýsymy bastalǵannan beri Saıran kólinde 11 adam qutqaryldy, onyń ishinde 2 bala bar (2021 jyly 11 adam, onyń ishinde 4 bala qutqarylǵan bolatyn). Eske salsaq, 2021 jyly jaz mezgilinde sý aıdyndarynda shomylýǵa tyıym salynǵan oryndarda 4 adam, onyń ishinde bir jasóspirim sýǵa batyp ketken bolatyn»,- delinedi TJD habarlamasynda.
Osy oraıda qalalyq Tótenshe jaǵdaılar departamenti qala turǵyndary men qonaqtaryn sýǵa túsý erejelerin buzbaýǵa, ruqsat etilgen jaǵajaılarda ǵana shomylýǵa shaqyrdy.
Aıta keteıik, qazirgi ýaqytta qalalyq Tótenshe jaǵdaılar departamenti, Respýblıkalyq jedel qutqarý jasaǵynyń qyzmetkerleri jergilikti polısıa qyzmeti, Ulttyq ulan jáne eriktilermen birlesip, sý aıdyndarynda patrúldeý jáne reıdtik is-sharalar júrgizýde.