«Almaty» telearnasy ujymynyń málimdemesi
Qurmetti dostar! Búgin alańdatarlyq bir jaǵdaı boldy. Qańtar oqıǵasy kezinde qaza tapqan 4 jasar Aıkórkem Meldehanǵa qatysty Almaty garnızonynyń áskerı soty mańynda bizdiń áriptesterimizge azamattyq belsendi Belálov Baıbah kúsh kórsetti.
Naqty bir sebepti atamastan, túsirilim tobyna shabýyldaǵan azamat jýrnalıs pen teleoperatorǵa dene jaraqatyn salyp, shtatıvti syndyrǵan. Onymen qoımaı áriptesterimizge budan keıin de qandaı da bir áreket jasaıtynyn aıtyp, qorqytqan, boqaýyz sóz aıtqan.
Biz Aıkórkem Medelhannyń qazasyna qaıǵyramyz, bul oqıǵaǵa beı-jaı qaramaımyz. Sonymen qatar BAQ ókilderine kúsh kórsetýdi tártipsizdik hám zańǵa qaıshy áreket dep sanaıtynymyzdy jetkizgimiz keledi. Osy tusta kináli azamatqa zań sheńberinde shara qoldanylýyn talap etemiz.
Eldiń Bas prokýratýrasy men İshki İster mınıstrliginen, QR Aqparat jáne qoǵamdyq damý mınıstrliginen qyzmetkerlerimizdiń qaýipsizdigi men bedeline nazar aýdarýdy suraımyz.