Qaladaǵy negizgi dańǵyldardyń birinde kólik qozǵalysy bekitilgen kestege sáıkes 31 tamyzǵa qaraı aıaqtalýy kerek edi. Alaıda jóndeý jumystary merziminen buryn aıaqtalady dep josparlanyp otyr, dep habarlaıdy almaty-akshamy.kz
ál-Farabı dańǵylyndaǵy joldyń ońtústik jaǵyndaǵy jol jóndeý jumystary tolyq aıaqtaldy, al soltústik jaǵymen Dostyq dańǵylynan Dýlatı dańǵylyna deıin asfáltbeton jabyny tóselip kólik qozǵalysy ashyldy. Sońǵy bólikti jóndeý jumystary aýa-raıy qolaısyzdyǵyna baılanysty keıinge qaldyrylǵan bolatyn.
Aýa-raıy qolaıly bolǵan jaǵdaıda 14 tamyz saǵ.23:00-den 16 tamyz 06:00-ge deıin ál-Farabı dańǵylynyń sońǵy Dýlatı dańǵylynan Asqarov kóshesine deıingi bóliginde jóndeý jumystary júrgizilip, ýaqytsha kólik qozǵalysy shekteledi.
Jóndeý aýmaǵyn Toraıǵyrov jáne Mustafın kósheleriniń burylystary men aınalma joldary arqyly aınalyp ótýge bolady.
Jol qozǵalysyna qatysýshylardyń qaýipsizdigin patrúldik polısıa qyzmetkerleri qamtamasyz etedi. Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty jol telegram arnasynda (https://t.me/AlmatyJoly), sonymen qatar, 2GIS jáne Iandeks karta qosymshalarynda qoljetimdi.