Urlanǵan zattardy úıinde jasyrǵan kúdikti ustaldy
Almatyda turmystyq tehnıka dúkenine shabýyl jasaǵan tonaýshy qamaýǵa alyndy, – dep habarlaıdy Polisia.kz.
Jedel izdestirý is-sharalary barysynda 24 jastaǵy Jambyl oblysynyń turǵyny ustaldy.
«Aıǵaqty zat retinde urlanǵan zattar, negizinen turmystyq tehnıka tárkilendi. Bizdiń málimet boıynsha, kúdikti Raıymbek dańǵyly boıynda ornalasqan turmystyq tehnıka dúkenin tonaýǵa jáne jappaı tártipsizdikke qatysqan. Belgili bolǵandaı, qaskóı urlanǵan zattardy turǵylyqty jerinde jasyryp, keıinnen satýdy josparlaǵan. Atalǵan fakti boıynsha QR QK-niń 188-baby 3-bóliginiń 3-tarmaǵy boıynsha sotqa deıingi tergeý amaldary júrgizilýde. Ustalǵan adamǵa qatysty sot qamaýǵa alý túrindegi sanksıany tańdady», – dedi Medeý aýdandyq PB janyndaǵy polısıa bóliminiń bastyǵy Edilhan Baıǵaraev.