Almatylyq Tótenshe jaǵdaılar departamentiniń qyzmetkerleri Shymbulaqqa aparatyn aspaly joldan týrıserdi qutqarý amaldaryn pysyqtady, dep habarlaıdy aqshamnews.kz 24.kz-ke silteme jasap.
«Qys-2024» oqý-jattyǵýynyń senarıi boıynsha taý-shańǵy kýrortyna bara jatqan kabına kenetten toqtap qalady. Mundaı jaǵdaıda qutqarýshylarǵa óte jyldam qımyldaýǵa týra keledi. Sebebi qatty sýyqtan ishinde qalǵan adam úsip qalýy múmkin.
Almaty taýly aımaq bolǵandyqtan, ekstremaldy sport túrine qyzyǵýshylar kóp. Taýǵa shańǵy men snoýbord tebetinder jıi keledi. Sondyqtan qutqarýshylar ártúrli jaǵdaıǵa daıyn bolýy tıis.
Oqý-jattyǵýdyń bir bólimi ruqsat etilmegen jerge ketip qalǵan eki týrısi qutqarýǵa arnaldy. Sharaǵa qalalyq tótenshe jaǵdaılar departamenti, Respýblıkalyq jedel-qutqarý jasaǵy, Apattyq medısına ortalyǵy, sondaı-aq qalalyq qutqarý qyzmeti tartyldy. Barlyǵy 260 adam men 77 tehnıka jumyldyryldy.
Nurlan Atyǵaev, qalalyq TJD bastyǵy: - Úshinshi nysan retinde «Almatyjylýkommýnenergo» seriktestigin tańdadyq. Ondaǵy avtonomdy qazandyqtardyń birinde bolǵan apatty qalpyna keltirdik. Kópqabatty turǵyn úılerdiń jylýdan ajyrap qalmaýyna jol bergenimiz joq. Qutqarýshylardyń barlyǵy óz isin jetik meńgergen. Tehnıka da jetkilikti. Sondyqtan barlyǵyn belgingen ýaqytta atqaryp shyqty.