Almatyda qalta urlyǵymen ǵana aınalysyp kelgen 120 adam qolǵa tústi.
Krımınaldyq polısıa olardy sońǵy on aıda anyqtap, ustaǵan, dep habarlaıdy Almaty-akshamy.kz.
Tek «Quqyqtyq tártip» jedel aldyn alý is-sharasy barysynda jedel ýákilder 44 qalta urysyn ustaǵan. Urylar avtobýstaǵy jolaýshylardyń zattaryn úptep ketip otyrǵan.
Qaraqshylardyń arasynda zeınet jasyndaǵy adamdar da bolǵan.
«Olardyń biri – qoǵamdyq kólikte urlyq jasap júrgen 63 jastaǵy I. esimdi azamat. Qaskóı qarbalas ýaqytta kezekti urlyǵyn jasaýǵa shyqqan. №201 baǵyttaǵy qoǵamdyq kólikte er adam jolaýshynyń kúrtesiniń qaltasynan Samsung telefonyn urlap ketken. Alaıda ony jedel ýákil ustap aldy. Kúdikti qazir qamaýda. Áýezov aýdandyq polısıa basqarmasynda sotqa deıingi tergeý bastaldy», – dep habarlady Almaty qalalyq PD krımınaldyq polısıa basqarmasy.
QR QK-niń 201-babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.