Almaty oblysynyń polısıa departamenti, oblystyq prokýratýra qyzmetkerleri jáne basqa múddeli organdarymen birlesip “Baqytty jáne qaýipsiz balalyq shaq” jobasy júzege asyrylyp jatyr.
Bul joba balalardyń quqyqtaryn qorǵaýǵa baǵyttalǵan, onyń negizgi maqsaty zorlyq-zombylyq qaýpinde turǵan nemese oǵan ushyraǵan balalardy anyqtaý. Ár aýdanda jáne Qonaev qalasynda prokýratýra, polısıa, qorǵanshylyq jáne qamqorshylyq, áleýmettik qorǵaý, densaýlyq saqtaý, psıhologtar, úkimettik emes uıymdar jáne basqa múddeli organdardyń qyzmetkerleri qatarynan mobıldik toptar quryldy, dep habarlaıdy Almaty-akshamy.kz Polisia.kz-ke silteme jasap.
Mobıldik toptar qarashada 400-den astam otbasyny tekserdi, onyń ishinde polısıa jáne probasıa organdarynda esepte turǵan tulǵalar, turmysy qolaısyz, tolyq emes jáne tabysy az otbasylar, sondaı-aq balalar ógeı ákelerimen turatyn otbasylar.
Mysaly İle aýdanynda ashtan júdeý, sóıleýge jáne júrýge murshasy qalmaǵanǵan 6 jasar bala anyqtaldy. Bala jedel túrde “Eki jaqty pnevmonıa” dıagnozymen aýdandyq aýrýhanaǵa jatqyzylyp, oǵan medısınalyq kómek kórsetildi. Ata-ana QR ÁQBtK-niń 127-babynyń 2-bóligi (Kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaý) boıynsha ákimshilik jaýapkershilikke tartylyp, qorǵanshylyq jáne qamqorshylyq organy ata-ana quqyqtaryn shekteý týraly talappen sotqa júgindi.
Raıymbek aýdanynda úsh balasy ashtan júdeý otbasy anyqtaldy. Olarǵa medısınalyq kómek kórsetilip, qysqy qıim satyp alyndy, eki bala jazylǵan soń balabaqshaǵa, al úlkeni mektep ınternatqa ornalastyrylatyn bolady.
Balqash aýdanynda úsh otbasynda ógeı ákeler balalardy uryp-soqqany anyqtaldy, polısıa organdarymen kináli tulǵalarǵa qatycty QR ÁQBtK-niń 73-2-baby (Uryp-soǵý) boıynsha ákimshilik quqyq buzýshylyq týraly ister qozǵaldy. Jalpy, birikken reıdter nátıjeleri boıynsha ákimshilik jaýapkershilikke 51 ata-ana tartyldy, onyń ishinde 38 tulǵa QR ÁQBtK-niń 127-baby boıynsha (Kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaý); 7 tulǵa ÁQBtK-niń 440-baby boıynsha (Alkogóldik ishimdikterdi ishý nemese qoǵamdyq oryndarǵa masań kúıde kelý); 3 tulǵa QR ÁQBtK-niń 73-2-baby boıynsha (Uryp-soǵý); 2 tulǵa ÁQBtK 442-baby boıynsha (Kámeletke tolmaǵandardyń zańdy ókilderiniń erip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolýy); 1 tulǵa QR ÁQBtK-niń 73-1-baby boıynsha (Densaýlyqqa qasaqana jeńil zıan keltirý). Azyq-túlik, kómir jáne balalarǵa jyly kıim túrinde materıaldyq kómek 86 otbasyǵa kórsetildi. Medısınalyq tekserýden 901 bala ótti, 16 bala aýrýhanaǵa jatqyzyldy. Turǵyn-úıge kezekke 152 bala qoıylyp, 2 otbasyǵa turǵyn-úı alýǵa kómek kórsetildi. Balalardyń qatysýymen 8 is-shara ótkizildi, prokýrorlar mektepterde túrli taqyryptarda 496 dáris oqydy.