Bul oqıǵaǵa qatysty polısıa qylmystyq is qozǵady.
Áleýmettik jelide 2025 jyly 5 sáýirde Almatydaǵy turǵyn úı keshenderiniń birinde kúzetshiniń aıaýsyz soqqyǵa jyǵylǵany túsirilgen vıdeo tarady, dep habarlaıdy aqshamnews.kz
Oqıǵa kýágerleriniń aıtýynsha, júrgizýshi shlagbaýmnyń tez ashylmaǵanyna ashýlanyp, sıgnal bere bastaǵan. Turǵyn úı kesheniniń kúzetshisi oǵan eskertý aıtyp, odan keıin er adam judyryqpen urǵan.
"Bostandyq aýdandyq polısıa basqarmasy uryp-soǵý deregi boıynsha qylmystyq is qozǵady. Kúdikti polısıaǵa jetkizildi. İs júrgizýdiń tolyqtyǵy, jan-jaqtylyǵy jáne obektıvtiligi qaǵıdattaryn qamtamasyz etýge baǵyttalǵan tergeý sharalarynyń kesheni júrgizilip jatyr", - dep habarlady Almaty polısıa departamentiniń baspasóz qyzmeti.