«QazQSǴZI» AQ mamandary temirbeton qadalarynyń kómegimen topyraqtyń statıkalyq synaqtaryn aıaqtady.
Jumystar GOST 5686-2020 talaptaryna sáıkes dalalyq synaý ádisimen jerge basý júktemesi arqyly júrgizildi. Synaqtar aldaǵy ýaqytta kóppáterli turǵyn úı kesheni, jerasty parkıngi boı kóteretin alańda ótti, dep habarlaıdy Almaty-akshamy.kz.
Ónerkásip jáne qurylys mınıstrliginiń málimetinshe, ǵımarat turǵyzyp, qurylysty jobalaý jáne júrgizý kezindegi jumystyń negizgi kezeńi, ol – irgetasyn qalamas buryn qadalarmen topyraq synaqtaryn júrgizý nemese qadalardyń júk kótergishtigin naqty anyqtaý. Sondaı-aq jobalaý qujattamasynyń talaptarǵa saı bolýyn baqylaý bolyp tabylady.
Dalalyq zertteýler men synaqtar sektorynyń meńgerýshisi Jámek Nurken atap ótkendeı, topyraqty synaý kezeń-kezeńmen «tabıǵı» statıkalyq ádispen júrgizildi. Júkteme satylary ıakor arqalyqtary júıesiniń kómegimen gıdravlıkalyq domkrattarmen belgilendi. Júkteme mólsherin tirkeý, sondaı-aq qadalardyń irgetastarynyń qozǵalysyn baqylaý shartty turaqtandyrýdy eskere otyryp, baqylaýdyń sońǵy 2 saǵatynda 0,1 mm mólsherden aspaıtyn otyrý prosesinde mamandandyrylǵan jabdyqpen júzege asyryldy. Bir qadany basý úshin topyraqty synaý uzaqtyǵy 28-30 saǵatty qurady.
Synaqtyń bul túri qysym júktemeleriniń áserinen qadanyń topyraqtaǵy kedergisin anyqtaýdyń eń senimdi ádisi bolyp tabylady. Osylaısha tabıǵı jaǵdaıda topyraqty synaýǵa múmkindik beredi jáne bolashaq qurylymnyń irgetasy retinde qadanyń naqty jumysyn múmkindiginshe dál modeldeýge bolady. Osylaısha qadalardyń júk kótergishtigin olardyń statıkalyq synaqtarynyń nátıjeleri boıynsha baǵalaý ádisi jerdegi júk kótergishtiginiń eseptik máni emes, dál máni negizinde jobalaý sheshimin jasaýǵa múmkindik beredi.