Polısıanyń arnaıy jasaǵy men EQQİQB jedel qyzmetkerleri sáýir aıynda Almatynyń Medeý aýdanynda ornalasqan barlardyń birinde arnaıy is-shara júrgizgen bolatyn.
Ony “Esirtki bıznesine qarsy kúres” jobasy aıasynda qalalyq prokýratýra úılestirdi, dep habarlaıdy Almaty-akshamy.kz Polisia.kz-ke silteme jasapú
«Túngi saǵat ekide túngi klýbta 19 jastaǵy T.esimdi azamat ustaldy, onyń oń jaq shalbarynyń qaltasynan kók tústi ızolentaǵa oralǵan, untaq pen kesek pishindi, ashyq tústi sıntetıkalyq zat salynǵan úsh baılam tabyldy. Jumys nusqalarynyń birine sáıkes, bul mefedron esirtkisi. Zattyń naqty kimdiki ekendigin anyqtaý úshin sot-hımıalyq saraptama taǵaıyndaldy. Ustalǵan azamat QR QİJK-niń 128-babyna sáıkes ýaqytsha ustaý ızolátoryna qamaldy. QR QK-niń 297-baby 1-bóligi boıynsha sotqa deıingi tergeý amaldary júrgizilip jatyr», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Almaty qalasynyń qylmystyq ister jónindegi mamandandyrylǵan aýdanaralyq sotynyń úkimimen 19 jastaǵy T.esimdi azamat QR QK-niń 297-baby 3-bóliginde kózdelgen qylmysty jasaǵany úshin kináli dep tanyldy jáne 10 jylǵa bas bostandyǵynan aıyryldy.