Ótken aptada JRVI juqtyrýdyń 23 995 jaǵdaıy tirkeldi, bul ótken jyldyń sáıkes kezeńimen salystyrǵanda 28,3%-ǵa tómen. Aýyryp jatqandardyń deni - balalar (65,7%). Apta saıyn JRVI-men aýyrý shamamen 20%-ǵa kóbeıip otyrady. Biraq bul jerde aıta ketetin jaıt, Almatyda JRVI-diń aýyr jaǵdaılary tirkelmegen. Bul týraly Almaty qalalyq qoǵamdyq densaýlyq saqtaý departamentiniń epıdemıologıalyq baqylaý bóliminiń basshysy Vladımır Iýsýpov Óńirlik komýnıkasıalar qyzmetinde ótken brıfıńte aıtty, dep habaralıdy almaty-akshamy.kz
«Aǵymdaǵy jyly 1 qazannan bastap (epıdemıaǵa deıingi maýsymnyń basynan bastap) búgingi kúnge deıin Almaty qalasynda jiti respıratorlyq vırýstyq ınfeksıanyń 201 340 jaǵdaıy tirkeldi, tumaýdyń zerthanalyq rastalǵan 110 jaǵdaıy tirkeldi, onyń ishinde V tıpti vırýsty juqtyrýdyń 109 jaǵdaıy jáne A tıpti (H3N2) vırýsyn juqtyrýdyń 1 jaǵdaıy anyqtaldy. Barlyq naýqastar qajetti em aldy. Ólim faktisi tirkelgen joq», - dedi ol.
Jergilikti búdjet esebinen Reseı Federasıasynda óndirilgen «Grıppol Plús» vaksınasynyń barlyǵy 210 000 dozasy satyp alyndy, onyń ishinde 210 000 adam, ıaǵnı qaterli topqa kiretin búkil halyq egildi. Bul topqa densaýlyq saqtaý mamandary; medısınalyq uıymdarda dıspanserlik esepte turǵan balalar; balalar úıleriniń, sábıler úıleriniń balalary, qarttar úıleriniń kontıngenti; sondaı-aq epıdemıologıalyq kórsetkishteri boıynsha 60 jastan asqan qart adamdar, júktiliktiń 2 jáne 3 trımestrindegi júkti áıelder, sozylmaly aýrýlary bar adamdar, mektep-ınternattardyń tárbıelenýshileri kiredi.
Eske salaıyq, tumaýǵa qarsy vaksına dozasynyń sany jyl saıyn jergilikti búdjetten bólinedi. Sonymen birge, jekemenshik medısınalyq ortalyqtarda jumys berýshiler esebinen 9929 adam, aqyly negizde 3720 adam egildi. Jalpy, egilgenderdiń jalpy sany 223 649 adamdy nemese Almaty qalasy turǵyndarynyń 10,4 paıyzyn qurady», - deıdi Vladımır Iýsýpov.
Qorytyndylaı kele, spıker turǵyndarǵa JRVI/tumaýmen syrqattaný deńgeıi kúsheıgen kezde spesıfıkalyq emes profılaktıkanyń jalpy sharalaryn eske saldy:
- jiti respıratorlyq vırýstyq ınfeksıasy bar naýqastarmen qarym-qatynastan aýlaq bolý, eger ol múmkin bolmasa, onda betperde kıý kerek, oksolın jaqpa maıyn qoldanǵan jón;
- aýyrǵan jaǵdaıda úıde otyrý kerek, óz betinshe emdelýge bolmaıdy, medısınalyq qyzmetkerdi shaqyrý, otbasy ortasynda nemese ujymda betperde kıý, dárigerdiń nusqaýy boıynsha em qabyldaý;
- túshkirgende jáne jótelgende aýyzdy maılyqpen, oramalmen jabý, qoldy múmkindiginshe jıi jýý;
- ımýndyq júıeni kóterý: dárigerdiń usynysy boıynsha S vıtamınin jáne basqa quraldardy qoldaný;
-araqashyqtyqty saqtaý, kópshilik jınalatyn is-sharalarǵa qatysýdy azaıtý, ásirese, JRVI, tumaý aýrýlary kúsheıgen kezde, ylǵaldy tazalyq júrgizý arqyly bólmelerdi jeldetý;
- tumaýmen aýyrǵan balalardy mektepke, mektepke deıingi mekemelerge jibermeý.
«Osyndaı qarapaıym erejelerdi ustaný arqyly tumaý jáne JRVI juqtyrýdan saq bolýǵa bolady», - dep qorytyndylady ol.