«Almaty» ÁKK» AQ enshiles uıymy, «Almaty Finance» JSHS «Askar Development» JSHS-na Tuıyq Sý shatqalynda zamanaýı týrısik ortalyqtyń qurylysyna 380 mln.teńge bóldi.
Jobany qarjylandyrý basym baǵyttardyń biri retinde týrızmdi qoldaý sheńberinde «Almaty Business-2025» kásipkerlikti damytýdyń óńirlik baǵdarlamasy boıynsha júzege asyrylady. Qaryz boıynsha syıaqy mólsherlemesi jyldyq 6% (JTSM), qarjylandyrý merzimi - 5 jyldy quraıdy, dep habarlaıdy aqshamnews.kz.
Vızıt-ortalyq qonaq úımen, kafemen, dárihanamen, jabdyqtardy satyp alýǵa jáne jalǵa alýǵa arnalǵan dúkenmen, kádesyı dúkenimen jáne shyǵarmashylyq is-sharalar ótkizýge arnalǵan aımaqpen jabdyqtalady. Ortalyq sonymen qatar Medeýge jáne keri baǵytta elektromobılmen týrıserdi tasymaldaý qyzmetterin, kvadrosıklder men velosıpedterdi jalǵa alýdy, kórshiles toptyq ekskýrsıalardy, jeke ekskýrsıalardy, taqyryptyq dárister men master-klasstardy qamtamasyz etedi.
Jobanyń negizgi maqsaty-jergilikti ekotýrızmdi damytý úshin jaǵdaı jasaý, halyqty jaıly rekreasıalyq demalyspen qamtamasyz etý, Almatynyń týrısik tartymdylyǵyn arttyrý.
Jeńildikti qarjylandyrý aıasynda «Askar Development» JSHS birqatar áleýmettik mindettemelerdi óz moınyna alady. Kompanıa keshen aýmaǵynda tazalyqty saqtaýdy qamtamasyz etedi, qaldyqtardy basqarý júıesin engizedi, marshrýttardy sıpattaıtyn ınteraktıvti aqparattyq panelder ornatady, qutqarý qyzmetteri men týrıserdi qoldaý ortalyqtarynyń kontaktileri bar qalqandardy ornalastyrady, shuǵyl baılanys aımaǵyn qurady.
Ortalyqty salý jáne jaılastyrý kezinde qaryz alýshy ekologıalyq taza materıaldardy paıdalanady, týrıserdi olardyń marshrýttarynyń baǵyttaryn qadaǵalaý fýnksıasymen tirkeý júıesin uıymdastyrady, tegin qoǵamdyq dárethanany kózdeıdi jáne taý marshrýttarynda qaýipsiz júris-turys boıynsha turaqty dárister men nusqamalar josparlaıdy. Keshen aýmaǵynda syıymdylyǵy 8 adamǵa deıin qutqarý qyzmetiniń qyzmetkerlerine arnalǵan eki úı-jaıdy ornalastyrý múmkindigi Qosymsha qarastyrylýda.
«Almatynyń týrısik tartymdylyǵyn arttyrýmen qatar, joba aıasynda 22 jańa turaqty jumys orny qurylady, sondaı-aq jergilikti búdjetke túsetin túsimder ulǵaıtylady. Kompanıanyń jyl saıynǵy salyq tólemderi 170 mln. teńgeni quraıdy dep kútilýde», - dep atap ótti «Almaty Finance»JSHS Basqarma tóraǵasynyń orynbasary Juldyz Igenov.