Týa bitken omyrtqa anomalıalary bar qazaqstandyq balalar Almaty qalasyndaǵy № 2 qalalyq balalar klınıkalyq aýrýhanasynda jasalǵan biregeı operasıalar arqyly tolyqqandy ómir súrý múmkindigine ıe boldy. «Spina Bifida - ıntraoperasıalyq neıromonıtorıngti qoldaný arqyly emdeýdiń zamanaýı ádisteri» taqyrybyndaǵy neırohırýrgıa boıynsha master-klass aıasynda aýrýhananyń neırohırýrgtar toby nemis profesory Ýlrıh Vılgelm Tomalemen birlesip, jeti kishkentaı naýqasqa operasıa jasady.
Bul balalardyń árqaısysy julynnyń aýyr týa bitken aqaýlarynan, sonyń ishinde Spina Bifida-nyń eń aýyr túri bolyp sanalatyn mıelomenıngosele aýrýynan zardap shekti. Bul jaǵdaıda julyn jáne nervter omyrtqadaǵy aqaý arqyly shyǵyp, mehanıkalyq jáne hımıalyq zaqymdanýlarǵa ákeledi. Bul kúrdeli anomalıalar balalardyń densaýlyǵynyń odan ári nasharlaýyn boldyrmaý úshin shuǵyl hırýrgıalyq aralasýdy qajet etti.
Osyndaı pasıentterdiń biri Qyzylorda oblysynan kelgen kishkentaı Aısha boldy. Anasy Jaına qyzyn shuǵyl kómek alý úmitimen Almatyǵa alyp keldi. Birneshe jyl buryn Aıshada julyn jaryǵy anyqtalyp, ýaqyt óte kele bul aýrý balany sal qyldy. Ol ózdiginen júrip-tura almaıtyn jáne qalypty ómir súre almaıtyn boldy.
«Qyzymda julyn jaryǵy bar. Bul dıagnozdyń artynda Aıshanyń qol-aıaǵynyń isten shyǵýyna ákelgen qaýipti aýrý turdy. Biz bul operasıany úlken úmitpen kúttik, «Mıloserdıe» erikti qorynyń qoldaýymen osynda bolý múmkindigine ıe boldyq. Barlyq hırýrgterge olardyń eńbekteri úshin rızamyn. Endi bizde jańa ómir bastalady dep úmittenemin», — dep bólisti Jaına.
Osy biregeı operasıalar júrgizilgen Master-klassty "Samruk-Kazyna Trust" áleýmettik jobalardy damytý Qorynyń qoldaýymen «DOM» Qoǵamdyq Qory uıymdastyrdy.Osy kúsh-jigerdiń arqasynda qazaqstandyq balalar sapaly ómir súrýge múmkindik alady, bul ásirese osyndaı aýyr aýrýlarǵa shaldyqqan kishkentaı naýqastar úshin óte mańyzdy».
«Profesor Ýlrıh Tomalemen birlese otyryp, biz Spina Bifida týa bitken anomalıalary bar balalarǵa birqatar kúrdeli operasıalar júrgizdik. Bul operasıalar joǵary dáldikti ǵana emes, sonymen qatar úılesimdi komandalyq jumysty qajet etti. Eger ýaqytynda aralaspasa, nevrologıalyq jetispeýshilik tek kúsheıe beredi», — dep atap ótti Almaty qalasyndaǵy № 2 qalalyq balalar klınıkalyq aýrýhanasynyń dırektory Marat Rabandıarov.
Master-klassqa Almatydan ǵana emes, Qazaqstannyń basqa qalalarynan, sondaı-aq Ózbekstan men Tájikstannan kelgen qatysýshylar da jınaldy. Dárigerler kúrdeli aýrýlardy emdeýdiń zamanaýı ádisterin talqylap, óz tájirıbelerimen bólisip, biliktilikterin arttyrdy. Bul, sózsiz, aımaqtaǵy medısınalyq kómektiń sapasyn odan ári jaqsartýǵa áser etedi.
Óziniń tájirıbesi men bilimimen bólisken profesor Ýlrıh Vılgelm Tomale qazaqstandyq áriptesterine kóp jyldyq yntymaqtastyq úshin shyn júrekten alǵysyn bildirip, kishkentaı naýqastarǵa tezirek saýyǵyp ketýdi tiledi.
Bes kúndik master-klass barysynda neırohırýrgter tek operasıa jasap qana qoımaı, naýqastarǵa keńes te berdi. Bul shara Qazaqstandaǵy týa bitken omyrtqa anomalıalary bar balalarǵa medısınalyq kómek kórsetýdi damytýdaǵy mańyzdy qadam boldy.