«Almaty jastary» turǵyn úı baǵdarlamasyn qarjylandyrý jalǵasyn tapty
Almatyda kúrdeli jóndeýdi qajet etetin 1500-ge jýyq apatty úı bar. Oǵan jergilikti búdjetten 30 mlrd teńgege jýyq qarajat bólinedi. Bul týraly qala ákiminiń orynbasary Álisher Ábdiqadyrov máslıhattyń kezekti sesıasynda aıtty, dep habarlaıdy Almaty-akshamy.kz QazAqparatqa silteme jasap.
«Megapolıste tozyǵy jetken 1500-den astam páterge kúrdeli jóndeý jumystaryn júrgizý josparda. Bul maqsattarǵa jergilikti búdjetten 30 mlrd teńgege jýyq qarajat bólinbek. Bul shara apatty jaǵdaıdaǵy, sondaı-aq «qyzyl syzyqtyń» boıynda ornalasqan úılerdiń turǵyndaryn jergilikti búdjet esebinen kóshirýge múmkindik beredi», - dedi qala ákiminiń orynbasary.
Sondaı-aq, turǵyn úı tapshylyǵyn azaıtý aıasynda áleýmettik kópqabatty turǵyn úı keshenderin salýǵa shamamen 30 mlrd teńge bólý qarastyrylǵan.
Odan bólek, «Almaty jastary» turǵyn úı baǵdarlamasyn qarjylandyrý jalǵasyn tapty. Bul maqsattarǵa qosymsha 670 mln teńge bólý josparlanýda.
«Baqytty otbasy» baǵdarlamasy boıynsha kezekte turǵan 200 adamǵa jeńildetilgen nesıe berý úshin 3 mlrd teńge kóleminde qarajat bólý kózdelgen.