Nazarbaev dańǵyly men Sátbaev kóshesiniń qıylysynda polısıa qyzmetkerleri BMV kóligin toqtatqan.
Salonda tórt er adam bolǵan, olardyń is-áreketi tártip saqshylaryna kúdikti bolyp kóringen, dep habarlaıdy Almaty-akshamy.kz Polisia.kz-ke silteme jasap.
«Mundaı alańdaýshylyq negizsiz bolǵan joq. Kólik quralyn tekserý barysynda bagaj bóliminen 2 travmatıkalyq tapansha men olarǵa arnalǵan oqtar tabyldy jáne tárkilendi. Osy ýaqytta kúdiktilerdiń birinen taǵy bir travmatıkalyq tapansha, oqtar men pyshaq tabylyp, tárkilendi. Atalǵan derek boıynsha QR QK-niń 287-baby 2-bóligine (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) sáıkes qylmystyq is tirkelip, tergeli jatyr. Qarýdyń kimge tıesili ekendigi sotqa deıingi tergeý barysynda anyqtalatyn bolady», – dedi Medeý aýdandyq polısıa basqarmasynyń bastyǵy İlıas Ómirserikov.