2024 jyly 26 mamyrda asa kórnekti ǵalym, Qazaq taǵamtaný akademıasynyń prezıdenti, Qazaqstannyń Eńbek Eri Tóregeldi Sharmanovty aqtyq saparǵa shyǵaryp salý rásimi S.D. Asfendıarov atyndaǵy Qazaq ulttyq medısına ýnıversıtetinde ótti.
Qaraly jıynda akademık qazasyna baılanysty Prezıdent Qasym-Jomart Toqaevtyn joldaǵan kóńil aıtý jedelhatyn QR Parlamenti Májilisiniń tóraǵasy Erlan Qoshanov oqydy.
Kóńil aıtý hatynda Tóregeldi Sharmanuly sanaly ǵumyryn ult densaýlyǵyna arnaǵan biregeı tulǵa, bıik parasat ıesi bolǵany atap ótilgen.
"Sondaı aq, qazaq taǵamtaný ǵylymynyń kókjıegin keńeıtip, dúnıejúzi uıymy IýNISEF jáne basqa da halyqaralyq uıymdarmen yntymaqtastyq baılanys ornata bildi", delingen memleket basshysynyń kóńil aıtý hatynda.
Qaraly jıynǵa Úkimet músheleri, qala ákimi, Parlament depýtattary men qoǵam qaıratkerleri, Tóregeldi Sharmanovtyń týǵan-týystary qatysty. Jınalǵan jurt 94 jasqa qaraǵan shaǵynda ómirden ozǵan akademıktiń sanaly ǵumyrynda el damýyna qosqan úlesin, qaıratkerlik qyry, kásibı biligi, azamattyq kelbetin eske alyp, jaqyn-jýyǵyna kóńil aıtty.
Tóregeldi Sharmanov Keńsaı zıratyna jerlendi.