Shara uıymnyń 30 jyldyq mereıtoıyna arnaldy.
Almatyda Táýelsiz Memleketter Dostastyǵyna qatysýshy memleketterdiń Parlamentaralyq Assambleıasy Keńesiniń jıyny bastaldy. Atalmysh shara uıymnyń 30 jyldyq mereıtoıyna arnaldy, dep habarlaıdy Almaty-akshamy.kz.
Saltanatty otyrysqa TMD PAA Keńesiniń tóraǵasy, RF Federaldyq jınalysy Federasıa Keńesiniń tóraǵasy Valentına Matvıenko bastaǵan TMD PAA qatysýshy elderdiń parlamenttik delegasıalarynyń basshylary qatysýda.
Shara tarıhı jerde ótip jatyr. Sebebi, 1992 jylǵy 27 naýryzda dál osy Almatyda Qazaqstan, Armenıa, Belarýs, Qyrǵyzstan, Reseı, Tájikstan jáne Ózbekstan parlamentteriniń tóraǵalary TMD Parlamentaralyq Assambleıasyn qurý týraly kelisimge qol qoıdy. Keıinirek olarǵa Ázirbaıjan men Moldova parlamentshileri qosyldy. Assambleıa Dostastyq parlamentshileriniń ózara is- qımyl, saıası, áleýmettik- ekonomıkalyq jáne ortaq múddeni bildiretin basqa da máselelerdi talqylaıtyn basty alańǵa aınaldy.
Assambleıa - Táýelsiz Memleketter Dostastyǵynyń memleketaralyq organy jáne ol qatysýshy memleketterdiń Parlamenttik delegasıasynan qurylǵan.
Úlgi zańdar men basqa da qujattardy ázirleý - TMD PAA-nyń negizgi mindetteriniń biri.
Assambleıa qabyldaǵan qujattar baǵyt-baǵdar retinde qyzmet etedi. Qazirgi ýaqytta Parlamentaralyq Assambleıa 600-den astam úlgi qujatty qabyldady.
Saılaý men referendýmdardy baqylaý – Assambleıa jumysynyń taǵy bir mańyzdy baǵyty. Sonymen qatar TMD elderindegi saılaý prosesterine monıtorıń júrgizedi.