Bıyl festıválǵa 10 jyl toldy.
Almatydaǵy Abaı alańynda Ortalyq Azıadaǵy eń iri zamanaýı etnıkalyq mýzyka festıvali - The Spirit of Tengri ótti, dep habarlaıdy Almaty-akshamy.kz
İs-sharada Almaty ákimi atynan qala ákiminiń orynbasary Ásem Núsipova sóz sóıledi.
"On jyl ishinde Almatynyń eń jarqyn halyqaralyq mádenı jobasynyń biri The Spirit of Tengri festıvali mýzyka áleminde tanymal brendke aınaldy. Ol álemge Almatynyń biregeıligi men san qyryn, Qazaqstannyń dostyǵy men qonaqjaılylyǵyn tanytyp, mádenıet pen halyqty jaqyndastyrady", - dedi Ásem Núsipova.
The Spirit Of Tengri etnıkalyq mýzyka festıvali jobanyń negizin qalaýshy ári ıdeıasyn iske asyrýshy, belgili medıamenedjer Batyr Qazybaevty eske alýǵa arnalǵan.
Festıvál sahnasynda 14 úzdik mýzykalyq ujym óner kórsetip, álemniń 12 eliniń: Qazaqstan, Italıa, Iran, Gana, Serbıa, Ispanıa, Vengrıa, Túrkıa, Úndistan, Grýzıa, Qyrǵyzstan jáne Ózbekstannyń mádenı dástúrlerin pash etedi. Barlyq mýzykalyq qoıylym jandy daýyspen, áserli dekorasıamen, túrli-tústi lazerlik shoýmen súıemeldenedi.
Abaı alańynyń aýmaǵynda festıvál aıasynda Global Village jármeńkesi uıymdastyryldy, qonaqtar qolónershilerdiń biregeı buıymdaryn satyp alyp, álem halyqtarynyń ulttyq taǵamdarynan dám tata alady. Festıváldiń eń kishkentaı kórermenderi úshin oıyn alańy jasalyp, qazaqtyń ulttyq oıyndarynyń saıystar ótkiziledi.