Almaty qalasynyń Túrksib aýdanynda antıterrorlyq operasıa rejımi engizildi. Bul týraly Terorızmge qarsy kúres jónindegi qalalyq jedel shtabtan málim etti, dep habarlaıdy almaty-akshamy.kz
«Terorızmge qarsy kúres jónindegi qalalyq jedel shtab aǵymdaǵy jyldyń 26 qańtarynda saǵat 00.00-den 27 qańtar saǵat 00.00-ge deıin Almaty qalasy Túrksib aýdany aýmaǵynda antıterrorlyq operasıa rejımi engizilgenin habarlaıdy», - delingen málimette.
Eske salsaq, bıylǵy 4-6 qańtar aralyǵynda terorızmge qarsy operasıalar barysynda Almatydaǵy memlekettik mekemeler men komersıalyq nysandarǵa qaraqshylyq shabýyl jasaǵan uıymdasqan qylmystyq toptyń 5 basshysy men músheleri ustalǵan edi.
Tutqyndaý kezinde kúdiktilerden qarý-jaraq («PM», «TT» markaly tapanshalar, kesilgen sholaq myltyq, olarǵa arnalǵan patrondar), untaq tárizdi zat jáne erekshe ıisi bar tabletkalar tabyldy.
«Arnaıy jáne quqyq qorǵaý organdary jappaı tártipsizdikterge qatysýshylar men uıymdastyrýshylardy anyqtaý boıynsha jedel-izdestirý operasıalaryn jalǵastyrýda. Quqyq qorǵaý organdarynyń jumysyna túsinistikpen qaraýdy, olardyń zańdy talaptaryn qatań saqtaýdy suraımyz», - dep atap ótti Terorızmge qarsy kúres jónindegi Almaty qalalyq jedel shtabynda.