Memlekettik qyzmet isteri agenttiginiń Almaty qalasy boıynsha departamenti elimizdegi tótenshe jaǵdaıda baılanysty ýaqytsha jumys istemeı turǵan 51 memlekettik qyzmetti anyqtady, dep habarlaıdy Almaty-akshamy.kz
Olardyń kóshin bilim berý basqarmasyna qarasty 3 qyzmet túri - «Bilim berý uıymdaryna qujattardy qabyldaý jáne oqýǵa qabyldaý», «Negizgi orta, jalpy orta bilim berý týraly qujattardyń telnusqalaryn berý» jáne №80, 118, 172, 29, 98, 20, 59, 61 mektepterinde «Bastaýysh, negizgi orta, jalpy orta bilim berý uıymdaryna densaýlyǵyna baılanysty uzaq ýaqyt boıy bara almaıtyn balalardy úıde jeke tegin oqytýdy uıymdastyrý úshin qujattar qabyldaý» bastap tur.
Sondaı-aq, sport basqarmasynda 2 qyzmet túri - «Jergilikti sport federasıalaryn akredıtteý» «Qazaqstan Respýblıkasynyń sport sheberligine kandıdat, 1-razrádty sportshy cporttyq razrádtaryn berý» bar.
Qazirgi tańda sýranysy artqan áleýmettik ál-aýqat basqarmasyna qarasty «Memlekettik ataýly áleýmettik kómek taǵaıyndaý» jáne «Turǵyn úı kómegin taǵaıyndaý» qyzymetteri. Turǵyn úı saıasaty basqarmasynda «Turǵyn úı qorynan turǵyn úıge muqtajdardy kezekke qoıý» qyzmetteri de osy qatarda.
Mádenıet basqarmasynda «Mádenı qundylyqtardy ýaqytsha áketý quqyǵyna kýálik berý» qyzmeti jumys istemeı tur. Odan bólek, mádenıet basqarmasy men «Almaty qalasynyń memlekettik muraǵaty» KMM-niń memlekettik qyzmetin kórsetý qyzmet berýshiniń keńsesi arqyly ýaqytsha qaǵaz túrinde júzege asyrylatyndyǵy aıtyldy. Olarǵa «Arhıvtik anyqtamalar, arhıvtik qujattardyń kóshirmelerin nemese arhıvtik úzindiler berý» Almaty q., Shýlanova kóshesi, 159, «Kórkemónerpazdar ujymdaryna «Halyqtyq» nemese «Úlgili» ataǵyn berýge ótinimderdi qabyldaý» «Memorıaldyq taqtalardy ornatýǵa ruqsat berý» qyzmetterin jatqyzýǵa bolady.
Aýdan ákimdikteriniń memlekettik qyzmetteri boıynsha búgingi kúni sporttyq razrádtar berý, azamattardy áskerge shaqyrýdy keıinge qaldyrý jáne áskerge shaqyrýdan bosatý boıynsha 3 qyzmet qoljetimsiz. Sonymen qatar, AHAT memlekettik qyzmetterin qala azamattary HQKO-nyń aýdandyq bólimderinen ala alady.
Almaty qalasy sıfrlandyrý basqarmasynyń aqparatyna sáıkes, joǵaryda atalǵan memlekettik qyzmetter «elektrondyq úkimet» portaly arqyly jaqyn arada qalpyna keltiriledi.