Almaty qalasy boıynsha Qylmystyq-atqarý júıesi departamentine qarasty LA-155/18 mekemesiniń ujymy mekeme aýmaǵyn kóriktendirý maqsatynda kópke úlgi bolar jumys atqardy.
Budan buryn mekemeniń ishki alqaby mekeme qyzmetkerleriniń kúshimen kóriktendirilgen bolatyn. Jaqynda tergeý ızolátorynyń basshylyǵy mekeme aýmaǵyn odan ári kóriktendirý úshin aǵash kóshetterin otyrǵyzdy, dep habarlaıdy Almaty-akshamy.kz Polisia.kz-ke silteme jasap.
Atap aıtsaq, 23 túp boz arsha, úsh túp Tán-SHan shyrshasyn, segiz qaıyń, eki kókshil shyrsha, bes túksiz terek pen 110 túp kópjyldyq gúl kóshetteri otyrǵyzyldy.
Alyp qalanyń shetindegi tergeý ızolátorynyń ǵımaraty - álemdik standartpen salynǵan ǵımarat. 1400 adamǵa deıin ustalatyn mekemege kelýshilerdiń kóp bolatyny zańdy. Qamaýdaǵy týystaryna sálemdeme ákeletinderdi aıtpaǵanda, kúndelikti jumys prosesimen qorǵaýshylar jáne sot, prokýratýra, qoǵamdyq baqylaý uıymdary ókilderiniń legi esh tolastamaıdy.
Mekeme ujymynyń kúshimen otyrǵyzylǵan jasyl jelek bolashaqta mekeme aýmaǵynyń kórkine aınalyp qana qoımaı, kelýshilerge kóleńkesimen saıa bolary sózsiz.