Qurylys, ónerkásip jáne qyzmet kórsetý jáne IT-ındýstrıa salasyndaǵy mamandardyń úlken tapshylyǵy baıqalady.
Sondyqtan aǵymdaǵy jyly TjKB salasyndaǵy memlekettik tapsyrys 16 500 orynǵa deıin keńeıtildi, oǵan jergilikti búdjetten 7,8 mlrd. teńge bólinip, stýdentter jańa mamandyqtarǵa ıe boldy, dep habarlaıdy Almaty-akshamy.kz
Almaty ákimi Erbolat Dosaev bilim berý qyzmetkerleriniń qatysýymen ótken tamyz konferensıasynda tehnıkalyq jáne kásiptik bilim berý júıesin damytý qala úshin mańyzdy basymdyq bolyp tabylatynyn atap ótti.
"2023 jyly biz qalalyq tálimgerlik baǵdarlamasyn engizý arqyly dýaldy bilim berý mehanızmin qaıta formattadyq. Stýdentterdiń tájirıbe alý maqsatynda ákimdik túrli óndiristerdiń tájirıbeli sheberleriniń eńbegine aqy tóleýdi qarjylandyrýdy ulǵaıtty, bul quzyretter men bilimdi berý úshin pedagogterdiń yntalandyrýlaryn arttyratyny sózsiz. Sondaı - aq, TjKB damytý úshin biz 2025 jylǵa deıin osy kolejderdiń árqaısysy úshin jataqhanalary bar 1 440 oryndyq jańa standartty 2 memlekettik kolej salýdy josparlap otyrmyz", - dedi qala basshysy.