Almatyda jańa jekemenshik mektepter qurylady. Almaty ákimi Erbolat Dosaev bilim berý qyzmetkerleriniń tamyz keńesinde aıtqanyndaı, aldaǵy eki jylda 14,4 myń oryndyq 19 jeke uıym ashý josparlanýda, onyń ishinde iri qurylys salýshylarmen memorandýmdar aıasynda 9 myń oryndyq 10 mektep iske qosylady, dep habarlaıdy Almaty-akshamy.kz.
«Osy sharalardyń barlyǵyn eskere otyryp, biz 2026 jyldan bastap memlekettik mektepterdiń bir bóligin bir aýysymdyq oqytýǵa aýystyrýdy birtindep bastaýǵa nıettimiz», - dedi qala basshysy.
Erbolat Dosaevtyń aıtýynsha, aǵymdaǵy mindetterdi sheshý úshin ákimdik 5,2 myń oryndyq 13 memlekettik bilim berý uıymdaryn jobalaý men salýdy jalǵastyrýda. Olar aldaǵy eki jylda paıdalanýǵa beriledi.