Shabýyldaýshy úsh adam boldy. Olar tańerteń áreket etti. Qoımada tek kúzetshi bolǵan, dep habarlaıdy Almaty-akshamy.kz Almaty qalalyq polısıa Departamenti Baspasóz qyzmetine silteme jasap.
«Olar kúzetshini uryp-soqty. Qarý-jaraqpen qoqan-loqqy jasap, olar kompúterlik tehnıkany, dálirek aıtsaq, iri somadaǵy vıdeokartalardy tartyp alyp, iz-túzsiz joǵalyp ketken. Bul qylmysty ashý maqsatynda jedel-izdestirý toby qurylyp, onyń quramyna aýdandyq deńgeıden de, qalanyń krımınaldyq polısıasynan da jedel ýákilder kirdi. Kúdiktiler Shý qalasynda ustaldy, olar sol jerden Nur-Sultan qalasyna temirjol kóligimen ketpek bolǵan. Oljanyń bir bóligi ózderimen boldy, negizgi bóligi júk tasymaly arqyly astanaǵa jóneltilgen. Taýarlar tárkilenip, qylmystyq is materıaldaryna tirkeldi. Prosesýaldyq áreketterden keıin vıdeokartalar ıesine qaıtarylatyn bolady», - dedi, bastyqtyń orynbasary.
Tonalǵan qoımaǵa ıelik etetin JSHS basshysy, polısıa qyzmetkerlerine jedeldigi men kásibıligi úshin alǵysyn bildirdi.
«Polısıa qyzmetkerleri tez arada sol jerge baryp, menen buryn keldi. Tergeý júrgizip, barlyq derekterdi aldy. 2-3 kúnniń ishinde is-sharalar ótkizip, muny istegenderdi tapty, olardy ustady. Almaty qalalyq PD Bostandyq aýdanynyń polısıa qyzmetkerlerine alǵysymdy bildirgim keledi. Barlyǵy qosyldy, qajet nárseniń bárin jasady, úsh kúnde ashty. Barlyǵy tabyldy, taýar tabyldy. Men óte rızamyn. Atqarylyp jatqan jumystar úshin rahmet», - dedi, Alekseı Kovalev.
Bostandyq aýdandyq PB janyndaǵy polısıa bóliminiń málimetinshe, ustalǵandar Nur-Sultan qalasynyń týmalary. Buryn olardyń biri osy kompanıanyń klıenti boldy jáne vıdeokartalardyń quny men róli týraly jaqsy biledi. Kúdiktiler qamaýǵa alyndy.
