Almatyda «Taza Qazaqstan» jalpyulttyq aksıasy aıasynda, «EkoReındjerler» jasaǵy qurylyp, oǵan qalamyzdyń 1000-nan astam jastary qosyldy.
Jastardyń bastamasyn elimizge tanymal blogerler men qoǵamdyq pikir kóshbasshylary qoldap, ambassador bolýǵa nıet bildirgen. Bul bastama jastardyń ekologıalyq ómirge belsendi qatysyp, qalamyzdyń tazalyǵyna úles qosýǵa baǵyttalǵan, dep habarlaıdy aqshamnews.kz.
«EkoReındjerler» toby ekologıalyq aksıalarda, senbilikterde jáne aǵash otyrǵyzý sharalarynda belsendi qatysýdy josparlap otyr. Olardyń basty maqsaty — Almatynyń tabıǵatyn qorǵaý jáne qorshaǵan ortaǵa qamqorlyq kórsetý.
Sonymen qatar, «EkoReındjerler» jastarǵa ekologıa jóninde bilim berý, tabıǵatty qorǵaý, jastar arasynda eko mádenıetti damytýǵa baǵyttalǵan semınarlar men trenıńter ótkizýge nıetti.
«Biz Almatynyń ekologıasyn jaqsartýǵa óz úlesimizdi qosý úshin osy topty qurdyq. Taza qala — barshaǵa ortaq mindet, sondyqtan jastardyń belsendiligi asa mańyzdy. Biz ekologıa máselelerine nazar aýdaryp, jáne qala jastaryn bizge qosylýǵa shaqyramyz», - jas ekoreındjer
Osylaısha «EkoReındjerler» Almatynyń tazalyǵyna beı-jáı qaramaıtyn jandardy ózderiniń qataryna qosylýǵa shaqyrýda. Olar ózderiniń belsendiligimen ekologıalyq jaǵdaıdy jaqsartýǵa úles qosyp, qoǵamǵa úlgi bolýǵa nıetti.
Aıta keteıik, Almatyda «Taza Qazaqstan» respýblıkalyq baǵdarlamasy men «Almaty – bizdiń ortaq úıimiz» qalalyq naýqany aıasynda 18-24 qazan aralyǵynda halyq arasynda ekologıalyq mádenıetti qalyptastyrýǵa, qalany kóriktendirý men kógaldandyrýǵa baǵyttalǵan «Jarqyn kúz» aksıasy ótip jatyr.
«Ekoreındjerler» qataryna qosylý úshin: +7 775 462 31 40