Almaty zoobaǵy taǵy bir tólmen tolyqty
Oǵan zoobaq qyzmetkerleri Aıshýaq degen at beripti, dep habarlaıdy Almaty-akshamy.kz.
"Janýarlardyń kishkentaı tólderi bárimizdi qýantyp, kóńilimizdi erekshe sezimge bóleıdi. Biz jańa týǵan ár bir tól úshin qýanamyz. 2 maýsym kúni zoobaǵymyzdaǵy taýtaılaqtar – Dastan men Marsı jubynda kishkentaı taýtaılaq ómirge keldi. Biz oǵan Aıshýaq dep at qoıdyq. Túsi qyzǵylt sary, aspandaǵy aıdyń shýǵanydaı bolǵan soń osylaı atadyq. Onyń kózderi erekshe tunyq, kirpikteri de uzyn. Denesinde mamyqtaı jumsaq júni bar. Qulaqtary úlken, aıaqtary jińishke",-dep jazdy Almaty zoobaǵy
Aıshýaq qazir ózin óte jaqsy, sergek sezinedi eken. Sekirip oınap, ata-anasyna erkeleıdi.
"Kishkentaı lamany Sizder zoobaǵymyzdaǵy túıeler men Prjevalsk jylqylarynyń janyndaǵy qorshaýdan kóre alasyzdar. Lamalar túrli shóptermen qorektenedi. Suly jarmasyn, kartop, sábiz, qyzylshany da jaqsy jeıdi", -dep jazylǵan Almaty zoobaǵynyń habarlamasynda.
Sonymen qatar qyzmetkerler olardyń qoregine bor men tuz qosyp beredi. Aıshýaq áli de anasynyń sútin emedi. Arasynda úlken lamalar sıaqty shóp pen jemis-kókónisterdiń dámin tatyp júr.