Almaty qalasynyń prokýrorlary taýly aımaqta salynyp jatqan qurylysqa qatysty 150-den astam zań buzýshylyqty anyqtady.
Sondaı-aq sý qorǵaý aýmaqtarynda 118 zańsyz qurylys tirkelgen. Bul týraly Almaty-akshamy.kz 24 kz-ke silteme jasap habarlaıdy.
Atap aıtqanda, baseın ınspeksıasynyń kelisiminsiz 40 nysannyń qurylysy qolǵa alynǵan. Sý qorǵaý beldeýleri ruqsatsyz ıemdengen. Jalpy, Almatyda sý qorǵaý beldeýlerinde qurylys jumystaryn júrgizýge tyıym salynǵan. Mundaı aımaqtar turǵyndardy tabıǵı apattardan qorǵaý maqsatynda paıdalanylýy qajet, deıdi mamandar. Prokýratýra júrgizgen tekseriske qatysty qylmystyq is qozǵaldy.
- Naýryzbaı aýdanynyń "Jaılaý" shaǵynaýdanynda aýmaǵy 13 gektar jeke turǵyn úı qurylysyna arnalǵan jalǵan ákimdik aktileriniń kúshi joıyldy. Onda taýlardyń bókterinde az qabatty turǵyn úı keshenderiniń qurylysy josparlanǵan bolatyn. Avtokólik jýý oryndarynyń zańsyz jumys isteýiniń 29 faktisi, sondaı-aq maqsatynda paıdalanylmaıtyn 15 ýchaske anyqtaldy. Bul nysandar sý qorǵaý beldeýinde ornalasqan,- deıdi qalalyq prokýratýranyń resmı ókili Nursultan Jedelbaı.