Almaty oblysynda Tótenshe jaǵdaılar mınıstrligi qyzmetkerleri taýda qalyp qoıǵan 2008 jyly týǵan jasóspirimdi qutqardy.
Oqıǵa keshe kúndiz bolǵan, dep habarlaıdy aqshamnews.kz.
112 púltine habarlasqan jasóspirim teńiz deńgeıinen 3100 metr bıiktikte ornalasqan Býkreev shyńyna kóterilip, óz betinshe tómen túse almaı qalǵanyn habarlady. Ol taýda jalǵyz bolǵan.
«Qutqarýshylar balanyń qozǵalys baǵytyn anyqtap, izdeý jumystaryna dereý kiristi. Tótenshe jaǵdaılar qyzmetiniń mamandary jasóspirimdi taýyp, qaýipsiz jerge túsirdi. Keıin ol Almatyǵa jetkizilip, týystaryna tabystaldy», - delingen habarlamada.
Qutqarý barysynda jasóspirimge barlyq qajetti kómek kórsetildi. Qazir onyń jaǵdaıy jaqsy.