Megapolıs ákimi Baqytjan Saǵyntaev Almatyda turatyn Jazýshylar Odaǵynyń 136 múshesiniń, sonyń ishinde Táýelsizdiktiń 30 qurdasynyń kitaptarynyń tusaýkeserine qatysty
Qalam sheberleri men jas jazýshylardyń eńbekterin basyp shyǵarý shyǵarmashyl zıaly qaýymdy qoldaý aıasynda qazaq ádebıetiniń damýyna qosylǵan erekshe úles bolyp tabylady, dep habarlaıdy Almaty-akshamy.kz
Qazaqstan Respýblıkasy Táýelsizdiginiń 30 jyldyǵyn merekeleý aıasynda Almatyda turatyn 136 avtordyń, Jazýshylar odaǵy músheleriniń kitaptary basyp shyǵaryldy. Jazýshylardyń, sonyń ishinde Táýelsizdiktiń 30 qurdasynyń ádebı shyǵarmalary 102 myń danamen jaryq kórdi.
Qala ákimi Baqytjan Saǵyntaev jazýshylardy kezekti basylymmen quttyqtap, olardyń Táýelsizdiktiń qalyptasý tarıhyn uǵynýdaǵy jáne óskeleń urpaqty tárbıeleýdegi mańyzdy rólin atap ótti.
2020 jyly qazaq ádebıetinde erekshe oryn alatyn 30 avtordyń shyǵarmalary jaryq kórdi. 64 myń dana taralymmen jaryq kórgen bul eńbekterdiń ishinde Ánýar Álimjanov, Qabdesh Jumadilov, Qajytaı İlıasov, Jarken Bódesh syndy klasıkterdiń kitaptary da bar.
Almaty ákimdiginiń qoldaýymen jaryq kórgen barlyq kitaptar qalalyq kitaphanalardyń qoryn tolyqtyrady.
İs-shara barysynda qazaq aqyn-klassıkteriniń 24 kitap-albomynyń tusaýkeseri ótti.