Jyl sońynda Almaty turǵyndaryn kóptegen qyzyqty oqıǵalar kútýde.
Almatyda Qazaqstan Táýelsizdiginiń 30 jyldyǵyn merekeleý aıasynda «Qaıyrymdy ister marafony» jalpyulttyq jobasy júzege asyrylýda, dep habarlaıdy Almaty-akshamy.kz.
Almaty qalasy qoǵamdyq damý basqarmasy basshysynyń orynbasary Renat Bekbergenov Óńirlik komýnıkasıalar qyzmetinde ótken baspasóz konferensıasynda júzege asyrylǵan jáne josparlanǵan is-sharalar týraly aıtty.
Qazaqstan Respýblıkasy Táýelsizdiginiń 30 jyldyǵy sapaly ári joǵary deńgeıde ótýi úshin biryńǵaı qalalyq jospar ázirlendi. Barlyǵy 953 is-shara josparlansa, onyń 2-i respýblıkalyq, 436-y qalalyq, 549-y aýdandyq deńgeıde ótedi.
Qaladaǵy is-shara respýblıkanyń 30 jyldyq kezeńindegi jetistikterine jáne ár aıdyń taqyryptyq jelilerine silteme jasaı otyryp ótkizilip, sondaı-aq ataýly kún men merekelerge arnalady.
«Mysaly, maýsym aıynda Almatyda Memlekettik rámizder kúnine, Medısına qyzmetkerleri kúnine jáne Polısıa kúnine arnalǵan 70-ten astam túrli formattaǵy is-sharalar ótti. Turǵyn úı terezelerine jalaýlar qoıylyp, Ánuran bir mezgilde oryndaldy. Adam kóp jınalatyn aýmaqta Memlekettik Tý taratylyp, jalaýlary bar avtokólikter men motojarystar ótti», – dedi Renat Bekbergenov.
Shilde aıynda megapolıste QR astanasy kúnine arnalǵan onlaın jáne offlaın formatta ashyq aspan astynda is-sharalar ótti.
«Qalada mańyzdy oqıǵalar boldy. 25 ónerkásiptik jáne áleýmettik-mádenı nysandar paıdalanýǵa berildi. Sonyń ishinde Qazaqstan-SHveısarıa týrızm jáne qonaq úı bıznesi ınstıtýty, Ads Industries farmzaýyty, «Terenkýr» jaıaý júrginshiler aımaǵy, jańa balabaqsha men mektepter ashyldy», – dedi qoǵamdyq damý basqarmasynyń ókili.
Ekinshi jartyjyldyqta qala ákimdigi Qazaqstan Respýblıkasy Táýelsizdiginiń 30 jyldyǵy aıasynda 800-den astam is-shara ótkizýdi josparlap otyr.
«Tamyz aıynyń sońy men qyrkúıek aıynyń basynda pedagog qyzmetkerlerdiń tamyz konferensıasyn, Qazaqstan Respýblıkasynyń Konstıtýsıa kúnine arnalǵan aýqymdy is-sharalardy ótkizý josparlanǵan. Sondaı-aq Almatyda «Táýelsizdik jetistikteri» taqyrybynda biryńǵaı qalalyq synyp saǵaty men ashyq sabaqtar ótedi. Sonymen qatar Ybyraı Altynsarınge eskertkish pen 13 jańa bilim berý nysanyn ashý josparlanýda», – dedi Renat Bekbergenov.
Jyl sońynda Almaty turǵyndaryn kóptegen qyzyqty oqıǵalar kútýde. Mysaly, qarasha aıynda ındýstrıalyq-ınnovasıalyq jáne áleýmettik nysandardy iske qosý, «Almaty – Táýelsizdiktiń altyn besigi» respýblıkalyq forýmy jáne Creative jastar ınovasıalyq jobalar baıqaýy sıaqty kóptegen is-shara ótedi.
Jeltoqsan aıynda qalada tuńǵysh Prezıdent kúnine arnalǵan is-sharalar, «Táýelsizdik shejiresi» taqyryptyq kórmeleri, ǵylymı-praktıkalyq konferensıalar josparlanǵan.
Jeltoqsan oqıǵasynyń 35 jyldyǵyna arnalǵan ataýly kúnge erekshe nazar aýdaryldy. Ataýly kún qarsańynda qaıyrymdylyq is-sharalary ótkizilip, muqtaj jandarǵa qajetti qoldaý sharalary kórsetiledi.
«Qaıyrymdy ister marafony» respýblıkalyq jobasy aıasynda 396 túrli formattaǵy is-sharalar júzege asady. Jobanyń arqasynda muqtaj otbasylarǵa azyq-túlik jıyntyǵy túrinde materıaldyq qoldaý kórsetilip, turǵyn úıdi jóndeýge múmkindik beriledi. Barlyǵy 22 myńǵa jýyq almatylyq qoldaý aldy.
«Qaıyrymdy ister marafonyna» Almaty kásipkerleri belsene qatysýda. Bul týraly Almaty qalasy «Qazaqstan uıǵyrlarynyń respýblıkalyq mádenı ortalyǵy» qoǵamdyq birlestiginiń ókildigi tóraǵasynyń orynbasary Dolkýntaı Abdýhalıl aıtty.
Mysaly, Metal Prom Group kompanıalar toby ótken jyly qaıyrymdylyqqa 105 mln. teńge jumsady. Jalpy, sońǵy úsh jylda muqtaj jandarǵa 450 mln. teńge kóleminde qaıyrymdylyq kómek kórsetildi.
«Metal Prom Group kompanıasy úshin kómek tek joǵary gýmanısik áreket emes. Óıtkeni kásiporynnyń mindeti – adaldyq, eńbeksúıgishtik, sapa, memleketke jáne adamdarǵa paıda ákelý. Kásiporyn qoǵamdaǵy áleýmettik mańyzdy máselelerdi sheshýge kómektesýge daıyn», – dedi Dolkýntaı Abdýhalıl.
Onyń aıtýynsha, barlyq kásipkerler úshin qaıyrymdylyq sharasy kásiptiń áleýmettik jaýapkershiliginiń kórinisi ekenin aıtty.
