Shara 1986 jylǵy Jeltoqsan oqıǵasyn eske alýǵa arnaldy.
Gúl shoqtaryn qoıý rásimi qalalyq Qarýly Kúshteri Ulttyq áskerı-patrıottyq ortalyǵy orkestriniń súıemeldeýimen bastaldy.
Saltanatty sharaǵa Almaty qalasy ákiminiń orynbasary Arman Qyryqbaev, máslıhat depýtattary, Jeltoqsan oqıǵasynyń qatysýshylary, qoǵamdyq uıymdardyń ókili, áskerı oqý oryndarynyń kýrsanttary, qala jastary jáne t.b. qatysty.
Gúl shoǵy qoıylǵannan keıin jınalǵan qaýym metronomnyń únimen sol oqıǵada qaza tapqan jandardy bir mınýt únsizdikpen eske aldy. Shara sońynda din qyzmetkerleri baqılyq bolǵandardyń rýhyna Quran baǵyshtady.
Esterińizge sala keteıik, qazirgi ýaqytta Almatyda 1986 jyly jeltoqsan oqıǵasyna qatysqan 670 adam turady. Bıyl qala ákimi Erbolat Dosaevtyń tapsyrmasyna sáıkes Almatyda Jeltoqsan oqıǵasyna qatysýshylarǵa birjolǵy tólem 150 myń teńgeden 250 myń teńgege ulǵaıtyldy.