Jumys sapary barysynda Almaty ákimi Baqytjan Saǵyntaev Naýryzbaı aýdanynyń №36 emhanasynda boldy, onyń bazasynda zamanaýı qurylǵylarmen jabdyqtalǵan jańa dıagnostıkalyq ortalyq ashyldy, dep habarlaıdy Almaty-akshamy.kz.
Baqytjan Saǵyntaev medısına qyzmetkerlerin aldaǵy Táýelsizdik kúnimen quttyqtady. Almaty ákimi "Jańa Almaty" shaǵynaýdandarynda zamanaýı KT-ortalyqtaryn ashý jedel aralasýdy talap etetin shuǵyl aýrýlar kezinde patologıalardy dıagnostıkalaý jáne erte anyqtaý boıynsha halyqqa qadamdyq qoljetimdilikti qamtamasyz etetinin atap ótti.
64 tilimdegi kompúterlik tomograf joǵary jyldamdyqpen skanerleýdi oryndaıdy. Apparattyń jumys isteýi KT-zertteýlerin basqa emdeý uıymdaryna jiberý qajettiligin aıtarlyqtaı tómendetedi.
«Jańa tomograf, árıne, pandemıa kezinde biz úshin qıyn ýaqytta zertteý kezekterin edáýir jeńildetedi. Apparattyń qýattylyǵy kúnine 40-qa jýyq adamnyń tekserýden ótýin qamtamasyz etýge múmkindik beredi, bul bizdiń turǵyndarǵa medısınalyq kómek kórsetý sapasyn jaqsartady», - dedi Naýryzbaı aýdanynyń medısınalyq uıymdarynyń basshysy Gúljanat Tilegen.
№36 emhana janyndaǵy KT ortalyǵy tek Naýryzbaı aýdanynyń ǵana emes, Áýezov, Alataý aýdandarynyń, sondaı-aq Almaty oblysynyń Qarasaı aýdanynyń turǵyndaryna da qyzmet kórsetetin bolady.
Habarlanǵandaı, búginde Almaty qalasynyń densaýlyq saqtaý nysandaryn jabdyqtaý kórsetkishi 91,5%-ǵa jetti. Anestezıologıa, reanımasıa jáne qarqyndy terapıa bólimsheleriniń jabdyqtalýy 100%-ǵa deıin jetkizildi. Jedel medısınalyq járdem jumysy jaqsardy. Úsh jańa qosalqy stansıa salyndy. Brıgadalar sany eki esege artty. Avtopark 70% jańartyldy.
Tuńǵysh Prezıdent – Elbasy N. Nazarbaevtyń tapsyrmasy boıynsha aǵymdaǵy jáne yqtımal epıdemıologıalyq qaterlerge den qoıý boıynsha eldiń ǵylymı-medısınalyq áleýetin shoǵyrlandyrý maqsatynda Almatyda ınfeksıalyq aýrýlardyń kópbeıindi ǵylymı-zertteý ortalyǵynyń qurylysy bastaldy.
Aǵymdaǵy jyly úsh emhananyń, 9 otbasylyq-dárigerlik ambýlatorıanyń qurylysy bastaldy. Balalarǵa shuǵyl kómek kórsetý ortalyǵynyń jáne №2 QBKA qosymsha korpýstarynyń qurylysy, pallıatıvtik kómek ortalyǵy bar jańa onkologıalyq ortalyqtyń jáne Medeý aýdanynda kópbeıindi stasıonar salynýda.
250 tósektik Balalardy ońaltý ortalyǵyn jáne 50 tósektik erte aralasý ortalyǵyn ornalastyrý úshin burynǵy Almaty temirjol aýrýhanasyn qaıta jańartý jáne kúrdeli jóndeý josparlanýda.