Almatyda 16 jeltoqsan kúni Respýblıka alańynda Táýelsizdik monýmentine gúl shoqtaryn qoıý rásimi ótedi. İs-sharaǵa ardagerler keńesiniń, qala ákimdiginiń, qoǵamdyq uıymdardyń, etnomádenı birlestikterdiń ókilderi jáne 1986 jylǵy jeltoqsan oqıǵasyna qatysýshylar qatysady, dep habarlaıdy aqshamnews.kz
17 jeltoqsan kúni 1986 jylǵy jeltoqsan oqıǵasynyń 38 jyldyǵyna oraı «Táýelsizdik tańy» eskertkishine gúl shoqtary qoıylady. Saltanatty is-sharaǵa Jeltoqsan oqıǵasyna qatysýshylar, ákimdik ókilderi jáne qala jastary qatysady. Jınalǵandar qaza tapqandardy bir mınýt únsizdikpen eske alyp, din ókilderi quran baǵyshtaıdy.
Sondaı-aq, merekelik is-sharalar qalanyń aýdanynda ótedi.
Almaly aýdanynda 13 jeltoqsanda «Ten Qogam» ortalyǵynda jáne Chaıkovskıı atyndaǵy Almaty mýzykalyq kolejinde Jeltoqsan oqıǵasyna arnalǵan konsertter ótedi.
Bostandyq aýdanynda 15 jeltoqsanda saǵat 16:00-de aýdandyq komúnıtı ortalyǵynda «Táýelsizdik – máńgilik eldiń tuǵyry» taqyrybynda dóńgelek ústel ótedi. 16 jeltoqsanda saǵat 18:00-de Mega Alma-Ata saýda ortalyǵynda Nurǵısa Tilendıev atyndaǵy «Otyrar sazy» akademıalyq memlekettik fólklorlyq-etnografıalyq orkestriniń konserti bolady.
Medeý aýdanynda 13 jeltoqsanda saǵat 11:30-da B.Momyshuly atyndaǵy №131 mektep-lıseıinde «Babalarym ańsaǵan – Táýelsizdik» atty kezdesý ótedi.
Túrksib aýdanynda 13 jeltoqsanda aýdannyń Belsendi uzaq ómir súrý ortalyǵynda zeınetkerlerge arnalǵan konsert ótedi. 14 jeltoqsanda aýdandyq komúnıtı ortalyǵynda Jeltoqsan oqıǵasyna qatysýshylar men jastardyń qatysýymen «Ardagerlerdi ardaqtaıyq!» atty dóńgelek ústel ótedi.
Naýryzbaı aýdanynda 13 jeltoqsanda saǵat 11:00-de Shuǵyla shaǵyn aýdany 347/4 mekenjaıyndaǵy Inovasıalyq shyǵarmashylyq ortalyǵynda «Tuǵyry bıik – táýelsizdik» atty konsert ótedi.
Áýezov aýdanynda 13 jeltoqsanda saǵat 11:00-de Almaty tehnologıalyq kolejiniń akt zalynda «Táýelsizdik tynysyń, búgingi dáýletiń, erteńgi yrysyń» atty konsert ótedi. Sonymen qatar, aýdannyń komúnıtı ortalyǵynda Táýelsizdik kúnine arnalǵan fleshmob uıymdastyrylady.
Jetisý aýdanynda 13 jeltoqsanda saǵat 14:00-de №193 mektep ujymynyń qatysýymen Mádenıet úıinde «Táýelsizdik – Tuǵyrym» atty merekelik konsert ótedi.
Aı boıy qaladaǵy barlyq bilim berý mekemesinde Jeltoqsan oqıǵasyna arnalǵan ashyq sabaqtar, konferensıalar men kezdesýler ótkiziledi.