Byltyrǵy qyrkúıekten bastap bıylǵy aqpannyń basyna deıin bul derek aıtylmaı kelgen.
Eki jasar bala uzaq ýaqyt Almaty aýrýhanalarynyń birinde bolǵan edi, dep habarlaıdy Almaty-akshamy.kz
Medeý aýdanynyń qorǵanshylyq jáne qamqorshylyq organdarynyń aqparatyna sáıkes, Almaty aýrýhanalarynyń birindegi eki jasar tastandy sábı ákesine qaıtaryldy. Vedomstvonyń málimetinshe, ákesi qajet qujattardy usynǵannan keıin, 17 naýryzda bala týystaryna berilgen.
«Ákesi ekenin dáleldeıtin qujattardy kórsetti. Sondyqtan qamqorshylyq jáne qorǵanshylyq organdary balany ákesine tapsyrdy», - dedi Almaty qalasy bilim basqarmasynyń qamqorshylyq jáne qorǵanshylyq bóliminiń basshysy Janna Tasırova.
Eske salaıyq, eki jasar bala uzaq ýaqyt Almaty aýrýhanalarynyń birinde bolǵan edi. Byltyr qyrkúıekten bastap bıyl aqpannyń basyna deıin bul derek aıtylmaǵan. Biraq keıinirek bul jaǵdaı áleýmettik jelilerde jarıalandy, sóıtip, ol qoǵamdyq rezonans týdyrdy.
Bala 22 qyrkúıekte Asia Park SOO mańynan tabylǵan. Sonymen qatar, onyń qasynda ózin balanyń ákesimin dep tanystyrǵan er adam bolǵan. Onyń aıtýynsha, olar Jambyl oblysynyń Merke aýylynan kelgen jáne balasymen birge turatyn jeri bolmaǵan. Er adam anasy balany tastap, belgisiz baǵytta ketip qalǵanyn, balaǵa qujattar jasamaǵanyn aıtqan edi.
Polıseıler balanyń ómiri men densaýlyǵyna qaýip tónip turǵasyn, ony aýrýhanaǵa jetkizgen. Tekseristen keıin 37 jastaǵy er adam bala aýrýhanada jatqan kezde qujattar jasap, baspana tabýǵa ýáde berdi. Alaıda osydan keıin er adam joǵalyp ketken.
Áleýmettik jelilerdegi aıqaı-shýdan keıin ákesi bolýy múmkin er adam qaıta paıda bolǵan. Sondaı-aq, tastandy balanyń ájesi bolýy múmkin adam da tabylǵan. Keıinirek balanyń ákesine beriletini belgili boldy.