Orta bıznes kásipkerlerine keltirilgen zalaldy óteý máseleleri boıynsha jedel jeli quryldy
Memleket Basshysynyń tapsyrmasyn oryndaý úshin, Almaty qalasynyń ákimi B.Á. Saǵyntaev shaǵyn jáne orta bızneske terorıstik áreketter barysynda keltirilgen zalaldy óteý, onyń saldaryn joıý jáne qalanyń tynys-tirshiligin jedel qalpyna keltirý boıynsha jumysty uıymdastyrdy, dep habarlaıdy Almaty-akshamy.kz.
Qoǵamdyq kólik, saýda obektileri, bazarlar, kásiporyndar qyzmeti jolǵa qoıylýda, jol ınfraqurylymy qalpyna keltirilýde.
«Open Almaty» qoǵamdyq qabyldaý bazasynda tártipsizdikterden zardap shekken Shaǵyn jáne Orta bıznes kásipkerlerine keltirilgen zalaldy óteý máseleleri boıynsha jedel jeli quryldy:
1308 (uıaly telefondar úshin) jáne +7 (727) 338-33-88
Búginde «Atameken» Ulttyq Kásipkerler Palatasymen, aýmaqtyq departamenttermen jáne basqa da uıymdarmen birlesip shaǵyn jáne orta bızneske keltirilgen zalaldy baǵalaý boıynsha qalalyq jáne aýdandyq komısıalar quryldy.
Aýdandyq ákimdikter men Almaty qalasy Kásipkerler Palatasynyń baılanys telefondary:
Alataý aýdany – Belgibaev Oljas Talǵatuly 8 701 7779986
Almaly aýdany – Haırýllın Erden Rashıduly 8 775 5555718
Áýezov aýdany – Keneev Renat Baqdáýletuly 8 708 6340056
Bostandyq aýdany – Sadýaqasova Janar Seıitjanqyzy 8 701 5019990
Jetisý aýdany – Ákejanov Damır Nursultanuly 8 705 7778130, 8 776 2222870
Medeý aýdany – Soltanbaev Berik Bekmyrzauly 8 705 4444060
Naýryzbaı aýdany – Dandybaev Baǵlan Erboluly 8 701 9594439
Túrksib aýdany – Lebaev Naıl Muratjanuly 8 702 1809007
Almaty qalasynyń Kásipkerler Palatasy – Nasambaev Áskerbek Jaldybaıuly 8 701 2422947
Úkimet komısıasy shaǵyn jáne orta bızneske keltirilgen zalaldy óteý mehanızmin ázirleýde, ol búginde ortalyq memlekettik organdarmen kelisý kezeńinde tur jáne jaqyn arada jarıalanatyn bolady.
Bızneske keltirilgen zalaldy óteý jónindegi aldyn ala jasalǵan mehanızmdermen jáne tásildermen https://atameken.kz/kk/news/46427-npp-raz-yasnila-kak-budut-vozmeshat-sya-ubytki-biznesa-ot-gosudarstva-posle-utverzhdeniya-mehanizma siltemesi boıynsha tanysýǵa bolady.
Anyqtamalyq: 2022 jylǵy 14 qańtardaǵy jaǵdaı boıynsha aldyn ala jasalǵan jalpy keltirilgen zalal somasy 128 mlrd teńgeden astam (~128,6 mlrd.) quraıdy. Osylaısha, bıznestiń shyǵyndary 86 mlrd teńgeni, ákimshilik ǵımarattardyń shyǵyndary 22,6 mlrd teńgeni quraıdy.
Sonymen qatar, 223 birlik tehnıka mólsherindegi jyljymaly múlik shyǵyndary 1,9 mlrd teńge somasynda baǵalanady (jeke avtomobılder boıynsha baǵalaý júrgiziledi), «Almaty Bike» veloprokattar stansıasynyń shyǵyndary 376,5 mln teńgeni qurady. Materıaldyq-tehnıkalyq bazanyń shyǵyndary 16,7 mlrd teńgeni quraıdy. Zardap shekken qyzmetkerlerge tólenetin ótemaqy tólemi 490 mln teńgeni qurady.