Ózgerister « Tarıfti ınvestısıaǵa aıyrbastaý » baǵdarlamasy aıasynda júzege asyrylýda jáne jeliler men negizgi jabdyqtardyń tozýy joǵary deńgeıde jáne ınjenerlik ınfraqurylymdy jańǵyrtý qajettiligimen baılanysty.
QR Ulttyq ekonomıka mınıstrliginiń Tabıǵı monopolıalardy retteý komıtetiniń Almaty qalasy boıynsha departamentiniń basshysy Ásel Bódeneeva málimdegendeı, júrgizilgen taldaý nátıjeleri boıynsha 2024 jylǵa kelesi sýbektiler boıynsha sheshimder qabyldandy:
- «Alataý Jaryq Kompanıasy» AQ elektr energıasyn berý qyzmetteriniń tarıfi 2,53 teńgege ulǵaıdy, ıaǵnı 8,87 teńge/ kVtsaǵ 11,4 teńge/kVtsaǵ QQS-syz deıin.
- SHJQ «Almaty Sý» MKK sýmen jabdyqtaý qyzmetteriniń tarıfi ortasha tarıfi 99,41-den 107,05 teńgege deıin ulǵaıtyldy;
- halyq úshin tarıftiń ósýi 11,78 teńgeni qurady, ıaǵnı 54,22 teńge/m3-ten 66,00 teńge/m3-ke QQS-syz deıin ulǵaıdy;
- basqa da tutynýshylar úshin qoldanystaǵy 282,06 teńge/m3 tarıften 339,28 teńge/m3 QQS-syz tarıfke deıin ulǵaıdy;
- búdjettik uıymdar úshin qoldanystaǵy 182,19 teńgeden QQS-syz tarıften, 201,82 teńge/m3 QQS-syz tarıfke deıin ulǵaıdy;
Sý burý boıynsha ortasha tarıfi 5 teńgege ulǵaıdy, ıaǵnı 53,27 teńge/m3-ten 58,13 teńge/m3-ke QQS-syz deıin:
- halyq úshin tarıf 12 teńgege ósti, ıaǵnı 29,23 teńge/m3-ten 40,95 teńge/m3-ke deıin QQS-syz;
- basqa tutynýshylar úshin qoldanystaǵy 120,46 teńge/m3 tarıften 134 teńge/m3 QQS-syz tarıfke ulǵaıdy;
- búdjettik uıymdar úshin tarıf 79,79 teńge/m3 QQS-syz mólsherinde, qoldanystaǵy tarıf deńgeıinde qaldyryldy.
Sonymen qatar, jeke tulǵalardy resýrs únemdeýge yntalandyrý maqsatynda sýmen jabdyqtaýdyń rettelip kórsetiletin qyzmetterine birinshi toptyń tarıfi tutynýshylardyń mynadaı kishi toptary boıynsha saralanady:
1 kishi top- rettelip kórsetiletin qyzmetterdi tutynatyn halyq sanatyna jatatyn jeke tulǵalar 1 adamǵa aıyna 3 m3 deıin -66 teńge (ortasha);
2 kishi top – rettelip kórsetiletin qyzmetterdi tutynatyn halyq sanatyna jatatyn jeke tulǵalar 1 adamǵa aıyna 3 m3-ten 5 m3-ke deıin - 79,21 teńge;
3 kishi top – rettelip kórsetiletin qyzmetterdi tutynatyn halyq sanatyna jatatyn jeke tulǵalar 1 adamǵa aıyna 5 m3-ten 10 m3-ke deıin – 99,01 teńge;
4 kishi top- rettelip kórsetiletin qyzmetterdi tutynatyn halyq sanatyna jatatyn jeke tulǵalar jáne sýdy esepke alýdyń jeke aspaptary joq jeke tulǵalar 1 adamǵa aıyna 10 m3 astam – 132,01 teńge.
«Almaty jylý júıesi» JSHS jylý energıasyn berý, bólý jáne jabdyqtaý qyzmetteriniń ortasha tarıfi 9 725,53 tenge/Gkal-dan QQS-syz 10 484,38 teńge/Gkal-ǵa deıin ósti, jalpy ósim 759 teńgeni nemese 8%-dy qurady;
- halyq úshin ortasha tarıf 7 194,77 teńge/Gkal-dan QQS-syz 7 654 teńge/Gkal-ǵa QQS-syz deıin ósti;
- jylý energıasyn esepteý aspaptary bar halyq úshin tarıf 1 183 teńgege ulǵaıdy, ıaǵnı 6 329,79 teńge/Gkal-dan 7 512,36 teńge/Gkal-ǵa QQS-syz deıin;
- jylý energıasyn esepteý aspaptary joq halyq úshin tarıf 335 teńgege ulǵaıdy, ıaǵnı 8 849,57 teńge/Gkal-dan 9 184,32 teńge/Gkal-ǵa QQS-syz deıin.
Sonymen qatar, jalpy aýdannyń mólsherin eskere otyryp, jylý energıasyn tutynýdyń áleýmettik lımıtterin belgileý sheńberinde birinshi toptyń tutynýshylary halyq sanatyna jatatyn jeke tulǵalar kishi toptarǵa bólinedi. Osylaısha, tarıfterdi saralaý 1 Abonentke shaqqandaǵy turǵyn úı alańynyń kólemi boıynsha júzege asyrylady.
1-Top – 100 sharshy metrge deıin – 7 653,60 teńge;
2-Top - 100-den 200 sharshy metrge deıin-8 418,96 teńge;
3-Top - 200 sharshy metrden joǵary-10 484,38 teńge.
Qalanyń Energetıka jáne sýmen jabdyqtaý basqarmasy basshysynyń orynbasary Nurbaqyt Serikbaı habarlaǵandaı, 2025 jyly Almatyda kem degende 104 km sýmen jabdyqtaý jelisin, 73 km sý burý jelisin, 39 km jylýmen jabdyqtaý jáne 120 km elektrmen jabdyqtaý jelisin jańartý josparlanǵan. Bul jyl saıyn sýmen jabdyqtaý men jylýmen jabdyqtaýdyń tozý deńgeıin 3%, al qalǵan ınjenerlik jelilerdi 1,2% tómendetýge múmkindik beredi.
2024 jyly Almatyda ınjenerlik jeliler orta eseppen 54% tozǵan.
Tarıfterdiń ósýi jeliler men jabdyqtardy birtindep jańartýǵa múmkindik beredi, bul apatty azaıtyp, qyzmet sapasyn jaqsartady.
Ákimdik halyqtyń áleýmettik osal sanattaryna komýnaldyq qyzmet tarıfi úshin ótemaqy tóleýdi jalǵastyrady.
«Aldaǵy ýaqytta komýnaldyq qyzmet baǵasynyń ósýine baılanysty Almaty qalasy ákiminiń tapsyrmasymen azamattardyń 9 sanatyna ótemaqy tóleý jalǵasady», - dedi B.Jaýbasov.
Almaty máslıhaty sheshiminiń tıisti jobasy kelisimde jatyr, ol qyrkúıekte bekitýge engiziledi. Bul erejeler 2025 jyly 1 sáýirine deıin qoldanylady.