Almatynyń krımınaldyq polısıasy qylmystyq toptardyń ınternette belsendi áreket etip, tanysý saıttaryn óz maqsattaryna paıdalanyp jatqanyn eskertedi, dep habarlaıdy aqshamnews.kz Polisia.kz-ke silteme jasap.
Tizbek qalaı jumys isteıdi:
1.Qyzben tanysý. Áıel (nemese áıelder toby) jas jigittermen tanysady, qarym-qatynasqa qyzyǵýshylyq tanytatyn qyzdardyń beınesin jasaıdy.
2. Kezdesýge shaqyrý. Birneshe habarlama men jelilik baılanystan keıin qyzdar jigitterdi kezdesýge shaqyrady, kóbine páterge shaqyrady.
3. Sybaılastardyń kelýi. Kezdesý kezinde nemese odan keıin birden qyzdyń sybaılastary páterge kelip, jigitke kúsh kórsetip, qorqytady.
4. Qundy múlikti tartyp alý. Qylmyskerler kúsh qoldanamyn dep qorqytyp, jábirlenýshiniń aqshasyn, telefondaryn, zergerlik buıymdaryn jáne basqa da qundy zattaryn tartyp alady.
5. Nesıe alýǵa májbúrleý. Kóbirek aqshaǵa qol jetkizý úshin qylmyskerler qurbandaryn nesıe alýǵa nemese esepshottaryna aqsha aýdarýǵa májbúrleıdi.
Este saqtańyz, jelide adamdarmen tanysqan kezde barynsha saq jáne abaı bolyńyz. Beıtanys jerlerde jalǵyz kezdesýge kelispeńiz, ásirese sizdi páterge shaqyrsa. Eger siz qylmystyń qurbany bolsańyz, dereý polısıaǵa habarlasyńyz.