Oqıǵa Sokol avtodromynda bolǵan.
Almatyda tanymal bloger Álibekovtiń Lamborghini kóligi 22 jastaǵy jigitti qaǵyp óltirdi, dep habarlaıdy aqshamnews.kz
Avtodromda arnaıy trúk jasalýy qajet bolǵan. Batyrhan esimdi jigit júrip kele jatqan Lamborghini kóliginiń ústinen sekirýi kerek edi. Qorqynyshty trúk barysynda 45 jastaǵy Anatolıı Podlıpalın jigitti qaǵyp ketken.
Kóliktiń tanymal bloger Beıbit Álibekovke tıesili ekeni anyqtaldy.
Oqıǵadan keıin Batyrhan alǵan jaraqattarynyń kesirenen İle aýdanynyń ortalyq aýrýhanasynda kóz jumdy.
Oqıǵaǵa qatysty bloger Beıbit Álibekov túsinikteme berdi.
"Batyrhan Erjan esimdi jigit menen kólikti qaıta-qaıta surady. Trúk jasap, vıdeoǵa túsirgisi keletinin aıtqan. Birneshe ret suraǵannan keıin kóligimdi bergen bolatynmyn. Qaıǵyly oqıǵa trúk jasaý kezinde oryn alǵan. Artynsha ol aýrýhanada kóz jumdy. Kóligimdi bermeýim kerek edi. Otbasy men jaqyndaryna qaıǵyryp kóńil aıtamyn",-dedi Álibekov.