Almatyda jyl saıyn uıymdastyrylatyn tamyz pedagogıkalyq samıti bıyl «Bolashaq bilimi: adal azamat – bilikti maman» ataýymen 19 tamyz kúni Respýblıka saraıynda ótedi.
Tamyz samıti – qalanyń bilim berý salasyndaǵy basty oqıǵa. Ol jyl saıyn pedagogtardy, sarapshylardy, memlekettik jáne halyqaralyq uıymdardyń ókilderin, sondaı-aq, bilim berý isin damytýǵa múddeli jandardyń basyn qosady.
İs-sharanyń maqsaty – ashyq kásibı alań qurý, tájirıbe almasý jáne ortaq sheshimder izdeý. Samıttiń negizgi ózegi – bilim sapasy men qoljetimdiligi, ınklúzıvtilik, zamanaýı syn-tegeýrinder jáne pedagog mamandyǵynyń bedelin arttyrý.
Saltanatty bólim aıasynda memlekettik marapattar, onyń ishinde Oqý-aǵartý mınıstrliginiń vedimistik nagradalary, sondaı-aq Almaty qalasy ákimdigi taǵaıyndaǵan «Úzdik bilim berý uıymy – 2025» arnaıy syılyǵy tabystalady.
Qurmetti qonaqtardyń qatarynda Ǵylym jáne joǵary bilim mınıstri Saıasat Nurbek, Kembrıdj ýnıversıtetiniń profesory, NTU (Sıngapýr) dekany Saımon Redfern, Wayground Quizizz AI (AQSH) kompanıasynyń ókili Hımanshý Ajmera jáne NTU profesory Chen Chýn-An bar.
Baǵdarlama aıasynda birqatar taqyryptyq sesıa ótedi. Onda kásibı bilim berýdiń bolashaǵy men jańa ekonomıkaǵa maman daıarlaý, STEM/STEAM tásilderin oqý úderisine engizý, oqýshylardyń qaýipsizdigi men psıhoemosıalyq jaǵdaıy, ınklúzıvti bilim berý men tózimdilikke tárbıeleý máseleleri qaralady.
İs-shara qazaqstandyq estrada juldyzdary Roza Rymbaeva, Nurlan Ónerbaev, «Dos-Muqasan» ansambli jáne dombyrashy Asylbek Eńsepovtiń qatysýymen ótetin merekelik konsertpen túıindeledi.
BAQ úshin baılanys telefony: +7 775 989 4746, Asan.