Almaty polısıasy eki qalta urysyn ustady, dep habarlaıdy Almaty-akshamy.kz Polisia.kz-ke silteme jasap.
Tártip saqshylarynyń aıtýynsha, eki aıyptalýshy da qoǵamdyq kólikte urlyq jasap júrgen.
«1986 jyly týǵan M.esimdi azamat Almaty qalasynyń Naýryzbaı aýdanynda kem degende eki urlyq jasaǵan. Qazirgi ýaqytta 1970 jyly týǵan K.esimdi azamat qoǵamdyq kólikte oryn alǵan bir urlyqqa qatysy bar dep aıyptalyp jatyr. Eki kúdiktiniń de oljasy – jolaýshylardyń kúrteleri men paltolarynyń qaltalarynan urlaǵan telefondar. Jedel-izdestirý sharalarynyń nátıjesinde kúdiktiler ustaldy. Atalǵan derekter sotqa deıingi tergeýdiń biryńǵaı tizilimine tirkeldi. Buryn Almaty jáne Shyǵys Qazaqstan oblystarynyń týmalary osyǵan uqsas qylmystary úshin birneshe ret sottalǵan. Qazir Medeý aýdandyq polısıa basqarmasynyń tergeýshileri kúdiktilerdiń jalpy qala aýmaǵynda buryn jasalǵan urlyq áreketterine qatystylyǵyn anyqtap jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.