Bul joly Chernovıskaıa kóshesi, 10 mekenjaıynda ornalasqan úsh qabatty úı súriledi. Bul týraly Almatynyń qala qurylysy baqylaý basqarmasy habarlady.
Menshik ıesi (jeke tulǵa) qurylysqa ruqsat qujattarynsyz kirisken – SJT, eskızdik joba kelisimi, joba saraptamasy jáne qurylys-montaj jumystarynyń bastalǵany týraly habarlama bolmaǵan.
Turǵynnyń ótinishi boıynsha jospardan tys tekseris nátıjesinde menshik ıesine qatysty ákimshilik sharalar qabyldandy.
Keıin Almaty qalasynyń Jetisý aýdandyq soty basqarmanyń talap-aryzy negizinde 2023 jyly 7 qyrkúıekte zańsyz salynǵan úsh qabatty turǵyn úıdi buzý týraly sheshim shyǵardy.
Nysan menshik ıesiniń erikti túrde, sot oryndaýshylarynyń qatysýymen buzylyp jatyr.
Eske sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda 2023 jyldyń basynan beri 63 zańsyz nysan, sonyń ishinde «Mechta», KHAN turǵyn úı keshenderi jáne basqa da nysandar tolyq nemese jartylaı súrilgen.