Saltanatty shara Almaty qalasy Naýryzbaı aýdanyndaǵy №157 orta mektepte ótti.
Oǵan Almaty qalalyq polısıa departamentiniń basshylyǵy, “Jas saqshy” polısıa synybynyń oqýshylary, joǵary synyp oqýshylary, muǵalimder, polısıa qyzmetkerleri, İİO ardagerleri qatysty, dep habarlaıdy aqshamnews.kz Polisia.kz-ke silteme jasap.
“Jas saqshy” polısıa synyptaryn qurý – ishki ister mınıstrliginiń basym jobasy jáne eń aldymen patrıotızm men Otanǵa degen súıispenshilikti tárbıeleýge, mektep ortasynda quqyq buzýshylyqtyń aldyn alýǵa jáne mamandyq tańdaýda kómek kórsetýge baǵyttalǵan. Bul bastama İİM úshin polısıanyń kásibı ózegin saqtaýdyń, urpaqtar sabaqtastyǵyn qamtamasyz etýdiń, ýaqyt óte kele qalyptasqan ozyq dástúrlerdi nasıhattaýdyń erekshe mańyzdylyǵyn kórsetedi.
– Memleket basshysy elimizdiń bolashaǵy jastardyń qolynda ekenin atap ótti. Qurmetti oqýshylar! Jańa júıege tez jáne ońaı beıimdelýlerińizge tilektespin. Shyńdardy baǵyndyryńyzdar, aqyldy jáne rýhy myqty bolyńyzdar. Quqyq qorǵaý salasyndaǵy jańa bilimder quqyqtyq saýattylyq deńgeıin arttyrýǵa jáne óskeleń urpaqtyń minez-qulyq mádenıetin qalyptastyrýǵa, sondaı-aq balalardyń boıynda Otanǵa degen súıispenshilik pen patrıottyq rýhty tárbıeleýge yqpal etedi. Sizderdiń álemdi jaqsartýǵa degen kúshterińiz ben umtylystaryńyz bizdiń ortaq maqsattarymyzǵa jetýge kómektesetinine senimdimin. Jańa oqý jyly barshańyzdy jańa jetistikterge jeteleı bersin, – dedi, Almaty qalalyq polısıa departamentiniń bastyǵy Arystanǵanı Zapparov.
Qazaqstan Respýblıkasy ishki ister Mınıstrligi bıylǵy jyldy “Erlik jáne patrıottyq jyly” dep jarıalady. Jastar arasynda qaharmandyq pen erjúrektilikti dáripteý maqsatynda Almaty qalasyndaǵy 27 orta mektep pen 1 kolejde qyzmette qaza tapqan Almaty qalalyq polısıa departamentiniń 29 qyzmetkeriniń qurmetine “Dańq kabınetteri” ashyldy.