«Jas Camp»: Almaty jastaryna arnalǵan lager óz máresine jetti
Almatyda qala kúni qarsańynda qalamyzdyń 100-ge jýyq jastarynyń basyn qosqan «Jas Camp 2024» lageri ótti. Qatysýshylardyń qatarynda belsendi jastar, volonterler jáne NEET sanatyndaǵy jastar boldy, dep habarlaıdy aqshamnews.kz
Bıyl lager «Aqbulaq» taý-shańǵy kýrortynda ótken. Qala jastary úshin 5 kún boıy túrli sheberlik sabaqtar, trenıńter, sporttyq jáne mádenı sharalar uıymdastyryldy. Spıkerler retinde memlekettik organ qyzmetkerleri, bıznes, bilim berý, jýrnalısıka jáne sport salasynyń mamandary shaqyrylǵan.
Almaty qalasy jastar saıasaty basqarmasynyń málimetinshe, qalada jastardy áleýmettendirý baǵytynda túrli jobalar júzege asyrylýda. Mysaly bıyldyń ózinde qala dengeıinde 1000-nan asa bilim berý, ekologıalyq, mádenı jáne sporttyq sharalar ótti. Onyń ishinde, «IQ-ALA jastary», «Jas GALA», Jas sarapshylar men pikirsaıysshylar klýby, «Táýelsizdik urpaqtary», «ALMA CUP», «Youth Nomad» jáne t.b bar. Bul jobalardyń barlyǵy jastardy qalanyń mádenı-qoǵamdyq ómirine tartyp, olardyń jeke damýyna yqpal etip jáne bos ýaqytyn tıimdi ótkizýge baǵyttalǵan.
Qatysýshylar da lagerdegi kúnderiniń qalaı ótkeni men áserlerimen bólisti.
«Lagerden alǵan áserimdi aıtý múmkin emes. Alǵashqy kúnnen bastap, paıdaly aqparatpen bólisken myqty spıkerler keldi. Barlyǵy joǵarǵy dengeıde ótti. Eń bastysy osy lager arqyly ortamyzdy keneıtip, jańa dostar taptym», - dedi lagerge qatysýshy Alshyn Ábdikamal.
