Bodı-massaj salonynyń ıesi de jaýapqa tartyldy.
Almatyda taǵy bir jezóksheler úıi anyqtaldy, dep habarlaıdy Almaty-akshamy.kz Polisia.kz-ke silteme jasap.
«Stop-trafık» jedel aldyn alý is-sharasy barysynda polısıa qyzmetkerleri Almaty qalasynyń Medeý aýdanynda ornalasqan bodı-massaj salonyn anyqtady.
Úsh qabatty kotejde 15 bólme men saýna bar. Mekemedegi jumys barysyn eki ákimshi baqylap otyrdy.
«Ákimshiler men salonda massajıst bolyp jumys isteıtin taǵy 20 qyz ustaldy. Olardyń jasy 20-28 jas aralyǵynda. Bul mekemeniń «qyzmetkerleri» - Qazaqstannyń basqa aımaqtarynan kelgen qonaqtar. Olardyń jeke basynyń basqa da quqyqbuzýshylyqtarǵa qatysy bar-joǵy tekserilýde. Medeý aýdandyq polısıa basqarmasy QR ÁQbK-niń 450-babyna sáıkes ákimshilik is materıaldaryn jınaqtady. Kórsetilgen salonnyń ıesi de anyqtaldy – ol 34 jastaǵy J. esimdi azamat bolyp shyqty. Ol da jaýapqa tartyldy», – dedi Almaty qalalyq PD Uıymdasqan qylmysqa qarsy kúres basqarmasynyń bastyǵy Janat Nurǵalıev.