Bıtýmnyń jıyntyq óndirisin jylyna 1,2 mln tonnaǵa deıin ulǵaıtýǵa bolady.
QR Energetıka mınıstri Bolat Aqsholaqov Úkimet otyrysynda elimizde bıtým óndirý kólemi artatynyn aıtty, dep habarlaıdy Almaty-akshamy.kz QazAqparatqa silteme jasap.
«2022 jyly bıtýmmen qamtamasyz etýge toqtalsaq, Qazaqstan aýmaǵy 3 aımaqqa bólingen. Batys óńirler boıynsha óndirý jylyna 500 myń tonna bolǵan kezde, eń tómengi qajettilik 191 myń tonna deńgeıinde. Soltústik-shyǵys óńirlerde 308 myń tonna qajettilik óziniń jylyna 300 myń tonna óndirýi kólemimen jabylady. Ońtústik óńirler boıynsha óndirý jylyna 374 myń tonna bolǵan kezde, eń joǵary qajettilik 602 myń tonna shamasynda. Qazaqstan Respýblıkasynyń bıtýmǵa degen jalpy qajettiligi 1,1 mln tonnany quraıdy», - dedi Bolat Aqsholaqov.
Osy oraıda ol bıtým óndirisin ulǵaıtý máselesine toqtaldy.
«Jumys istep turǵan zaýyttardy qosymsha júkteý esebinen eldegi bıtýmnyń jıyntyq óndirisin jylyna 1,2 mln tonnaǵa deıin ulǵaıtý múmkin bolady. CaspiBitum Qarajanbas munaıyn óńdeý esebinen jylyna 500 myń tonnaǵa deıin (+ 94 myń tonna), al Qazaq Bitum Reseı gýdronynyń ımporty esebinen jylyna 374 myń tonnaǵa deıin (+ 200 myń) jetkizedi. Jol-qurylys kompanıalary qysqy-kóktemgi kezeńde Indýstrıa jáne ınfraqurylymdyq damý mınıstrliginiń Biryńǵaı satyp alýshysy arqyly qosymsha bıtým kólemderin satyp alýdy josparlaýy tıis. Jol-qurylys jumystarynyń quny bıtým baǵasynyń konúnktýrasyna saı bolýy tıis», - dedi vedomstvo basshysy.