Osy jyldyń 22 qazanynda Almaty qalasynda memleket basshysynyń bastamasymen bastaý alǵan «Tabıǵatta qoqysqa jol joq!» jalpyulttyq ekologıalyq aksıasy aıasynda kezekti senbilik ótedi, dep habarlaıdy Almaty-akshamy.kz.
Aksıanyń maqsaty – aýmaqtardy qoqystan tazartý boıynsha is-sharalar keshenin uıymdastyrý úshin qala turǵyndaryn biriktirý. Sonymen qatar, ekologıalyq senbilik tutynýshylardyń tabıǵatqa degen kózqarasyna qarsy shyqqandardyń barlyǵyn biriktirýge, qorshaǵan ortany qorǵaý jáne ekologıalyq týrızmdi damytý máselelerine nazar aýdarýǵa arnalǵan.
Senbilik ótkizý oryndarynyń tizimi:
-Alataý aýdanynyń Aqbulaq shaǵyn aýdany;
-Almaly aýdanynyń Saıran kóliniń shyǵys jaǵalaýy;
-Áýezov aýdanynyń Úlken Almaty ózeniniń batys jaǵalaýy (Tóle bı kóshesi men Raıymbek dańǵyly arasy);
-Bostandyq aýdanynyń Nur Alataý shaǵyn aýdany (Alma-3,15 A);
-Jetisý aýdanynyń Soltústik aınalym kóshesinen Sálem bazaryna (Jumabaev kóshesine) deıin;
-Medeý aýdanynyń Qyz Jibek kóshesi (Shýhov atyndaǵy skver);
-Naýryzbaı aýdanynyń Abaı saıajaıy shaǵyn aýdany;
-Túrksib aýdanynyń Aspan saıabaǵy, Jeltoqsan saıabaǵy.
Almaty qalasy boıynsha Ekologıa departamenti barlyq qala turǵyndaryn senbilikke qatysýǵa shaqyrady.