«Janashyr júrek» qaıyrymdylyq aksıasy
Almaty qalasynyń volonterleri men volonterlik uıymdary Respýblıka kúnine oraı «Janashyr júrek» qaıyrymdylyq aksıasyn júzege asyrýda. Osy aksıa aıasynda qala turǵyndaryna arnalǵan 25 qaıyrymdylyq sharasy josparlanǵan, dep habarlaıdy Almaty-akshamy.kz.
2022 jyldyń 22 qazanynda «Janashyr júrek» qaıyrymdylyq aksıasy aıasynda qalanyń volonterleri men stomatologtary «Salaýatty tis – ult densaýlyǵy» aksıasyn uıymdastyrady, onda tis dárigerleri ata-anasynyń qamqorlyǵynsyz qalǵan balalardyń tisterin tegin tekseredi. . Qaıyrymdylyq sharasyn uıymdastyrýshylar balalarǵa paıdaly syılyqtar da ázirledi. Barlyǵy 80-nen astam balalar úıiniń tárbıelenýshilerin qamtý josparlanýda.
Sonymen qatar, ata-anasynyń qamqorlyǵynsyz qalǵan balalar men az qamtylǵan otbasy balalary úshin Almaty sırkine tegin saıahat uıymdastyrylady. Osy shara aıasynda balalarǵa sırk baǵdarlamasynyń tegin shoýy, dámdi taǵamdar men sırkke kóliktik qoldaý uıymdastyrylady.
Sondaı-aq, bul kúni qala eriktileri muqtaj otbasylarǵa azyq-túlik sebetin jetkizý maqsatynda qaıyrymdylyq aksıasyn ótkizedi. Osy aksıa aıasynda volonterlar jalǵyz basty zeınetkerlerge, az qamtylǵan otbasylarǵa jáne qıyn qarjylyq jaǵdaıda qalǵan otbasylarǵa qajetti ónimder, gıgıenalyq quraldarmen sebettermen qamtamasyz etedi. Bul aksıa aıasynda 100-den astam muqtaj otbasyn qamtý josparlanýda.
Sonymen qatar, «Aspan» saıabaǵynda Qazaqstan Respýblıkasy kúnin merekeleýge arnalǵan aǵash otyrǵyzý aksıasy ótedi. Aksıaǵa qala jastary, eriktiler jáne barlyq múddeli tulǵalar qatysady.
Qaıyrymdylyq sharalaryn Almaty qalalyq Jastar saıasaty máseleleri basqarmasy, Memlekettik jastar saıasatyn qoldaý qory, «QAMQOR CHARITY» qoǵamdyq qorynyń eriktileri, «Medısınalyq jastar» respýblıkalyq qoǵamdyq birlestigi, SMALL & SKIF sýpermarketter jelisiniń demeýshiligimen jáne t.b.
İs-sharalar 22 qazanda kúni boıy jalǵasady.