Radıoelektronıka jáne baılanys áskerı ınjenerlik ınstıtýtynda Almaty óńirlik garnızonynyń sybaılas jemqorlyqqa qarsy komısıasynyń kezekti otyrysy ótti. Otyrysqa Almaty garnızonynyń áskerı qyzmetshileri men Sybaılas jemqorlyqqa qarsy departamentiniń ókilderi qatysty, dep habarlaıdy aqshamnews.kz.
İs-sharanyń basty maqsaty – áskerı qyzmetshiler arasynda sybaılas jemqorlyqqa qarsy mádenıetti qalyptastyrý jáne osy baǵyttaǵy ózara yntymaqtastyqty nyǵaıtý boldy. Otyrys barysynda sybaılas jemqorlyqqa qarsy zańnamanyń negizgi erejeleri talqylanyp, jemqorlyqqa qarsy is-qımyl sharalary men ádisteri jóninde jan-jaqty aqparat berildi. Sonymen qatar, qatysýshylar sybaılas jemqorlyqqa qarsy saıasatty jetildirý baǵytyndaǵy usynystaryn ortaǵa salyp, pikir almasty.
Áskerı polısıa basqarmasynyń ofıseri maıor Raýan Saýryqtyń aıtýynsha sybaılas jemqorlyqqa qarsy komısıanyń jumysy sybaılas jemqorlyqty boldyrmaý jáne adaldyqty nasıhattaý isinde mańyzdy qadamdardy qamtıdy. Osy maqsatta komısıa óz jumysyn odan ári damytyp, áskerı ortada adaldyq qaǵıdattaryn bekitýge baǵyttalǵan is-sharalardy jalǵastyrýdy kózdeıdi.
