İs-sharaǵa Almaty qalasynyń úkimettik emes uıymdary men qoǵamdyq keńesiniń ókilderi qatysty.
Almaty qalasyna jumys sapary aıasynda QR Sybaılas jemqorlyqqa qarsy is-qımyl agenttiginiń Prevensıa qyzmetiniń basshysy Saıan Ahmetjanov jurtshylyqpen ashyq dıalog júrgizdi, dep habarlaıdy Almaty-akshamy.kz.
Saıan Ahmetjanov is-sharany asha otyryp, onyń saparynyń negizgi maqsaty megapolıstiń sybaılas jemqorlyq táýekelderiniń kartasynda kórsetiletin halyqtyń problemalyq máselelerin sheshý bolyp tabylatynyn atap ótti.
«Ókinishke oraı, Almatyda qala turǵyndaryn tolǵandyratyn jáne olardyń tarapynan syn týdyratyn 6 negizgi sala anyqtaldy. Bul-densaýlyq saqtaý men bilim berý, ekologıa, jer qatynastary, ekonomıka men qarjy, qurylys pen turǵyn úı salalary, sondaı-aq fıskaldyq sala bolyp tabylady. Olardy joıý jáne azamattardyń áleýmettik kóńil-kúıin jaqsartý úshin biz jurtshylyqpen tyǵyz ózara is-qımyl jasaýymyz qajet», - dep Saıan Ahmetjanov atap ótti.
Óz kezeginde qoǵam ókilderi óz pikirlerin bildirip, sybaılas jemqorlyq quqyq buzýshylyqtardyń aldyn alý boıynsha bastamalanǵan jańa tásilderdi qoldady.
«Azamattyq ınstıtýttar sybaılas jemqorlyqqa qarsy qýatty resýrs bolyp tabylady, olar memlekettik sybaılas jemqorlyqqa qarsy saıasattyń naqty tıimdiligi týraly senimdi aqparattyń túsýin qamtamasyz etýge jáne bılik pen qoǵam arasyndaǵy keri baılanys tetigin qoldaýǵa qabiletti. Biz óz tarapymyzdan aldyn ala jumys isteıtin, tyńdaıtyn, halyqtyń túrli problemalarynyń aldyn alatyn qadamdar jasaıtyn bolamyz», - dep Almaty qalasy Qoǵamdyq keńesiniń Tóraǵasy Altynaı Kóbeeva bólisti.
Sońynda taraptar sybaılas jemqorlyqqa qarsy saıasatty iske asyrýda jáne sybaılas jemqorlyqqa qarsy qyzmet pen qoǵamnyń kúsh-jigerin biriktirý arqyly sybaılas jemqorlyqtyń kez kelgen kórinisterine jol bermeýde ózara is-qımyldy jandandyrýǵa kelisti.