Baǵalardy belgileý úshin 11 mlrd teńge bólingen.
Áleýmettik mańyzy bar azyq-túlik taýarlarynyń baǵasyn turaqtandyrý úshin Almatyda áleýmettik nannyń, sút ónimderiniń jáne kúnbaǵys maıynyń iri óndirýshilerine qaryz bólý máselesi pysyqtalýda. Bul másele Premer-Mınıstrdiń orynbasary - Saýda jáne ıntegrasıa mınıstri Baqyt Sultanovtyń qatysýymen Almaty ákimdiginde ótken keńes barysynda qaraldy, dep habarlaıdy Almaty-akshamy.kz Eldala.kz silteme jasap.
«Aınalym» qaryzdary aıasynda ÁMAT baǵasyn turaqtandyrý úshin jergilikti búdjetten kókónis, et ónimderi, jumyrtqa jáne bakaleıa baǵalaryn belgileý úshin 11 mlrd teńge bólingeni atap ótildi.
Sonymen qatar, qala ákimdiginde Premer-Mınıstrdiń orynbasaryna baıandalǵandaı, qazirgi ýaqytta jeńildetilgen qarjylandyrý jáne ýaqytsha saqtaý qoımalaryn salý úshin qala sheginde jer telimderin bólý arqyly shaǵyn habtar qurý múmkindigi qarastyrylýda. Bul úı janyndaǵy dúkenderdiń alypsatarlarǵa táýeldiligin tómendetýge, shaǵyn saýda núkteleriniń ıelerin iri kóterme saýda bazarlarynda óz betinshe satyp alý qajettiginen qutqarýǵa múmkindik beredi. Bul, jalpy alǵanda, shaǵyn ishki dúkenderdegi baǵa deńgeıine oń áser etýi kerek.
Saýda komıtetine baǵalardy monıtorıńileý jáne taldaý boıynsha jumysty jalǵastyrýdy, ÁMAT-qa baǵalardy turaqtandyrý sheńberinde «aınalym sqemasyn» ulǵaıtý boıynsha sharalar qabyldaýdy, azyq-túlik taýarlarynyń barlyq baǵa belgileý tizbegi boıynsha deldaldyq sqemalardy tekserý jónindegi óńirlik komısıalardyń qyzmetin jandandyrýdy tapsyrdy.